2021-09-03 23:26:09
حوار الكليات ده صادم فعلا وممكن ميكنش عادل في بعض الاوقات بس تشوف جمال تدابير ربنا الموضوع هتلاقيه مختلف.
كام واحد عمره ماذاكر ودخل كليه حلوه.
وكام طالب كان بيذاكر ومدخلش الكليه الي هو عاوزها.
هتلاقي الطالب الي من غير مجهود وصل تعب وركن علي جمب وخد اي كليه تانيه علشان الي دخلها مكنتش بتاعته اصلا من البداية ..
والطالب الي ماخدش كليه حلوه بتلاقي ربنا وفقه بسبب اجتهاده في الثانويه ويقوم ربنا مراضيه بحاجة جميله كده ويبقي متفوق في الكليه بتاعته.
والطالب الي من غير مجهود وصل ربنا مش بينساه ده ربنا ارحم مني ومنك ياجدع يقوم يعرفه ازاي يشتغل في الكليه وتلاقيه اتغير في الكليه بتاعته بس بعد ما يجتهد.
اهم حاجة هنا ازاي تخطط لشغلك واهدافك من دلوقتى لسه مستقبلك غامض بالنسبالك. لسه متعرفش هتشتغل اي في النهاية.
دور علي شغلك واجتهد فيه واعرف حاجة واحده بس انت يتتعلم علشان نيه تبعد عن الجهل وانك تجيب فلوس والفلوس عمرها ماكانت بالكليه الفلوس رزق واجتهاد..
بتلاقي ناس في كليه زي حقوق مثلا ودي مش وحشه اطلاقآ بس المجموع قليل بتاعها شغال بعد الكليه وبياخد فلوس محترمه.
والطالب الي دخل كليه عاليه في بعض الأحيان بتلاقيه مش شغال لاما شغال بسعر بسيط.
فالمعادله معقده جدا جدا متفكرش فيها ارض بيها بس وسيب الباقي عليه هو (ربنا)
امثال كتير لجمال ربنا في تدابيره اوعي تفتكر ان ربنا مش شايف ولا ربنا مطنش حاشه وكلا.
ربنا كاتب كل حاجه وحاسبها بالملي بس احنا مش بنبص الا تحت رجلينا بس ونزعل ونكتئب ونروح الكليه تلاقي الايام عدت وانت بقيت متعود وخدت علي الروتين وربنا كرمك علي الاخر..
اهم حاجه هنا الرضا والصبر واحتساب مجهودك الي عملته لربنا لان عمر ماكان الشغل بالكليه ابدا.
افتكر انا كتبت ٣٨ رغبه تجاره ودخلت في الاخر اداب ولقيت ربنا مجهزلي شغلي علي اساس ده مع اني كنت زعلان جدا ومكتئب بصيت تحت رجلي زيك كده بالظبط فكنت تعبان...
عمر ماحد هيدبر زي ربنا ولا هيتوقع زيه فاتت ارضه وتوكل وسبها علي الله وسيب ربنا يختارلك ربنا اختياراته ديما حلوه..
الله الحل لاي معادله ملهاش حل
1.6K views⸙ꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋꠋ⦅بنت الملك⦆𓄂, 20:26