2021-10-15 21:02:14
بسم الله،
(اوعى تسيب الورقة فاضية، اكتب فيها أي حاجة بس اوعى تسيبها فاضية)
اعتاد الطلاب سماع هذه النصيحة قبل دخول الامتحانات لأن ترك الورقة بيضاء يساوي صفرًا من الدرجات ما لا يعني سوى الرسوب والسقوط، أما حشو الورقة بالكلام فيجعل الأمل في النجاح قائمًا ولو كان ضعيفًا.
لذا يعمل الشـيـطـان جـ.ـاهـ.ـدًا حتى تترك ورقتك بيضاء من الطاعة فيتمكن من إسقاطك كلما قلّت حسناتك أو كانت صفرًا.
_(انت مخك مشغول قوي، فمش هتكون مركز في معاني الأذكار، وهتبقى زي عدمها، فمفيش داعي تقولها النهاردة = سيب الورقة فاضية من الأذكار)
_(شكلك مرهق جدًا ومش هتقدر تكون خاشع في ركعتين القيام، وهتبقى كإنك مصلتش حاجة، فخليها بعدين تكون فايق = سيب الورقة فاضية من ركعتين القيام)
_(انتي متخانقة مع زوجك ونفسيتك تعبانة ولو قرأتي وردك من القرآن مش هتفهمي ولا كلمة، وهتبقى القراءة ملهاش أثر، أجِّليه لبعدين = سيبي الورقة فاضية من ورد القرآن)
كثيرًا ما تنخدع بألاعيب الشيطان تلك فتحقق له مرامه حينما تترك هذه العبادات وغيرها فتحرز فيها صفرًا بعد أن تركت ورقتك بيضاء! في حين أنك لو صممت على فعل الطاعات رغم انعدام التركيز وقلة الخشوع وتشوش الذهن فقد حققت شيئين عظيمين:
١) الأجر:
-أجر مراغمة الشـيـطـان وعصيانه.
-أجر مـجـاهَـدة متاعبك كي يراك الله مازلت في صفوف الطائعين.
٢) الأثر:
-أثر تيئيس الشيطان منك وعلمِهِ أنك عبد عصيٌّ على الإضلال، لست غنيمة سهلة الخداع والانصياع، فيتعسر عليه غوايتك فيما بعد.
-أثر الثبات على الطاعة رغم صعوبة الظروف.
-أثر اعتياد التشبث بكل أمل للفوز بالجنة والنجاة من النار ولو ظننته ضئيلًا.
فاثبت على فعل الطاعة أيًّا كان حالها لكن اوعى تسيب الورقة فاضية.
182 viewsNaira , 18:02
ب
