2021-07-09 21:28:38
من الدرس المهمة والحلوة جدا في الجمع والتثية اللي بتلغبطكم
#من_كتاب_رحيق_النحو
مهارات الأفعال
السلام عليكم ورحمة الله وبركاته.
الدرس ده من الدروس المهمة وقبل ما تبدأ فيه لازم تبقي عارف إعراب الأفعال كويس ... يعني امته المضارع مرفوع وامته مجزوم ومنصوب وكذلك إعراب الفعل الماضي والفعل الأمر ... مهمين جداااا ... وإن شاء الله هنشرح شوية أساسيات في وزن الكلمات في نص الشرح كدة فركز.
بداية ً في أساسيات لازم تكون عارفها:
1- أي حرفين زي بعض الاول ساكن والتاني متحرك ... بيحصل لهم ادغام ... يعني بيبقوا حرف واحد مشدد وبالتالي أي حرف مشدد أصله حرفين الأول ساكن والتاني متحرك.
2- إن ما ينفعش حرفين ساكنين ييجوا ورا بعض.
مش محتاج تعرف اكتر من كدة ... كدة اخدت المعرفة ناقصاك الخبرة بس.
إضافة نون النسوة
- نون النسوة:
نون بنضيفها كعلامة للجمع المؤنث وهي نون عليها فتحة مش سكون زي ما كتير اوي معتقد ... وأي فعل سواء مضارع ماضي أمر ... لما بيتصل بنون النسوة بيتبني على السكون يعني الحرف الاخير بيبقى ساكن ... واعرف ان اي حاجة بتخلي الحرف الأخير ساكن فيها شغل ... نبدأ بكام مثال
1- (الرجال يعملون الصالحات.)
أنث الجملة.
ج: (النساء يعملن الصالحات)
خلينا الفعل من غير إضافات يعني (يعمل) ثم كل اللي حصل إننا ضفنا نون نسوة .... و(يعملن) على وزن يفعلن ... أما (يعملون) على وزن يفعلون.
2- (الرجال يقولون الحق.)
أنث الجملة.
ج: (النساء يقلن الحق.)
في واو اتحذفت ... اتحذفت ليه؟ ... اول حاجة خلينا الفعل من غير أي اضافات (يقول) ولما ضفنا نون نسوة ... بقى الفعل مبني ع السكون ... يعني الحرف الاخير اللي هو (اللام) بقى ساكن والواو كمان ساكنة ... كدة ساكنين بقوا ورا بعض ودا مينفعش فبنحذف حرف العلة (الواو) عشان نمنع التقاء الساكنين ... فبتبقي (يقلن) في الاخر.
بالنسبة للوزن ... (يقول) على وزن يفعل ... بس لما ضفنا لـ(يقول) نون النسوة ... حذفنا منها الواو وبقت (يقلن) ... فبالتالي وزنها بقى (يفلن) مش (يفعلن).
والخلاصة أن أي فعل فيه قبل الآخر حرف علة ساكن لما نضيف ليه نون النسوة ... بنحذف حرف العلة منعا لالتقاء ساكنين ... زي (يستعيذ) تبقى (يستعذن) ووزنها (يستفلن) ... (يصوم) تبقى (يصمن) ووزنها (يفلن) ... (عام) تبقى (عُمن) ووزنها (فلن)... وهكذا.
3- (الرجال يكونون على حق.)
أنث الجملة.
ج: (النساء يكُنّ على حق.)
لما جردنا الفعل من الإضافات بقى (يكون) .... لما نضيف نون نسوة ... الحرف القبل الأخير معتل فهنحذفه منعا لالتقاء ساكنين وتبقي (يكنْ) النون عليها سكون شايفه؟ ... ولسا هنضيف نون النسوة المفتوحة المتحركة ... هيحصل لهم ايه؟ حرفين زي بعض الاول ساكن والتاني متحرك هيحصل لهم ادغام ويبقوا حرف واحد مشدد .... فتبقي (يكنَّ) النون مشددة ... كذلك (يصون) تبقي (يصنَّ).
بالنسبة للوزن فوزن (يصن – يكن) هو (يفلن) لأن ما فيش حاجة اتحذفت غير الواو.
4- (الرجال يحبون الله.)
أنث الجملة.
ج: (النساء يحببن الله.)
لما نجرد الفعل من الإضافات هيبقى (يحبّ) .... الحرف الأخير مشدد ... واخد بالك انت؟ ... يعني عبارة عن حرفين ... باء ساكنة وباء متحركة ... لما نضيف نون النسوة الباء التانية هتبقي ساكنة بردو ... يعني الحرف المشدد بقى عبارة عن حرفين ساكنين صح؟ ... اه صح ... طب وده ينفع! دا كدة التقي ساكنين! انت هتسكت على ده؟ لأ ... ولا النحاة سكتوا ... النحاة راحوا عكسوا الآية ... بعد ماكانت الباء الاولي ساكنة والتانية متحركة ... خلو الباء الاولي متحركة والتانية ساكنة ... وبكدة التشديد اتفك وبقت (يحببن) ... واللي حصل دا اسمه فك التضعيف.
بالنسبة للوزن .... هنا ما فيش حاجة اتحذفت فبالتالي (يحببن) على وزن (يفعلن).
ملحوظة: أي فعل منتهي بحرف مشدد مثلا (يهتم – اهتم) لما يتصلوا بـ(نون النسوة – نا الفاعلين – تاء الفاعل) بنفك التضعيف فبنقول (يهتممن – اهتممت – اهتممن).
وخلي بالك أن لو كان الفعل المشدد فعل أمر وكان من حرفين زي (رُد – شُد – مُد) لما يتصلوا بنون النسوة بنحط ألف في الأول فبنقول (ارددن – اشددن – امددن).
5- (اتقوا الله.)
أنث الجملة.
ج: (اتقينَ الله.)
لما نجرد الفعل من الاضافات (اتقوا) هتبقي (اتق) .... (اتق) فعل أمر مبني على حذف حرف العلة .... طب لما نضيف نون النسوة هيبقي ايه؟ هيبقي مبني ع السكون مش على حذف حرف العلة ... يبقي حرف العلة اللي هو (الياء) يرجع تاني ونضيف نون النسوة تبقي (اتقينَ)
6- (الرجال يرجون الخير.)
أنث الجملة.
ج: (النساء يرجوْنَ الخير.)
نجرد الفعل من الإضافات فهيبقى (يرجو) ولما نضيف نون النسوة هيبقي مبني على السكون فهيبقي (يرجوْ + نَ) ... ما فيش أي مشكلة ... فهتبقى زي ما هي (يرجون).
بالنسبة للوزن فاحنا ما حذفناش حاجة فبالتالي (يرجون) في جملة (النساء يرجون) على وزن (يفعلن) ... أما (يرجون) في جملة (الرجال يرجون) على وزن (يفعون).
في عقليات بتقول ليه ما قلناش (يرجُن
1.5K views18:28
م
