2021-11-01 00:06:29
ايه اللي يدعوا للفخر في انك عارف البنت اللي هناك؟
ايه الجميل في انك سرقت ومحدش خد باله؟
طب ايه الروش في انك دخلت المكان الفلاني وصرفت مرتبك؟
طب لما بتبقى وسط صحابك وتتكلم عن علاقتك ب الادمان بكل فخر سواء كانت مخدرات او دخان او جنس؟
وانت مبسوط وانت بتشجع غيرك انه يشاركك نفس اخطائك؟
هتقولي لا انا مبجبرش حد علي حاجة..
طب ازاي وانت نفس الشخص اللي مبتصدق تلاقي حد يقتنع بكلامك اللي كله أفعال غلط، وتتنافسوا علي مين خاربها اكتر؟!
ماتش بين جيلي كله ..
بيحسسني اني عايش في سباق وان لو انت مش الشخص اللي بيتكلم عن اخطاءة ويكشف ستر ربنا عليه , تبقى لا واحد مش خاربها ومعندكش شخصية!
وده الحقيقي ... وده اللي بيحصل
بس للأسف نفس الناس بعد قطر الزمن, هتلاقي منهم اللي علي قهوة بيتمني يكسب ماتش علشان ميشلش تمن المشاريب ,
واللي منهم سكة الدخان نستة كل الهم فا نسي ياكل منين
واللي منهم السرقة والكذب علموه انه فهلوي دايما ولازم يكسب , فا بقت هواية اخرها كان عايش علي ارض مش شايلاه بسبب انه ملوش موطن , ملوش امان ، ولا أهل يثقوا في وجوده ولا أهل يختارهم لحياتة ،
في النهاية انت اللي بتحدد مصيرك , ويا تلحق اللي باقى منك
يا تنساه
266 views⌣, 21:06
ق
