كل شئ مكتوب ليك مناسب ليك و تستحقه حتى أصعب الأوقات في حياتك ا | جبر الخواطر
كل شئ مكتوب ليك مناسب ليك و تستحقه حتى أصعب الأوقات في حياتك انت تستحقها لأنها هتوديك لنهاية صح في الآخر و هتعلمك كتير و هتعلمك الصبر و أن ربنا كبير و بيعوضنا مهما كانت غلاوة الشخص عندنا و مهما كانت غلاوة الحاجة اللي فقدناها، ربنا بيعوضنا جميعاً عن اي حاجة خسرناها بحاجة أحسن منها يمكن الحاجة اللي كانت معاك دي أو الشخص اللي معاك ده مش هيناسبك و مش هيعيشك راضي ولا هيكون ده اللي انت عاوزه و راسمه في دماغك فربنا بيديك الأحسن عشان تكون هي الحاجة اللي انت حاببها فعلاً لكن الأهم في كل ده أنك تكون راضي بالقدر و المكتوب، لو أنت مش راضي فأنت طبيعي مش هتقتنع بالعوض اللي هيجيلك و دي قِلة ايمان منك لأن الله حق و كبير و حتى لو العوض مش جاي في الدنيا هيجيلك في الآخرة، يكفي أنك صبرت في وقت صعب جداً و رضيت بالقدر و حمدت ربنا عليه و على كل شئ و هتاخد مكانة عالية عند ربنا بسبب رضاك و صبرك و جزائك الجنة إن شاء الله. أهم حاجة في أي وقت صعب و أي فترة تقيلة عليك هي الرضا و الصبر .."_
