2021-11-04 17:32:00
اسم القصيدة : علمني عالحب
اسم الرادود : #محمد_الجنامي
اسم الشاعر :#وسام_الشويلي
المناسبة : استشهاد الإمام السجاد عليه السلام محرم الحرام 1443
المكان : هيئة شباب علي الأصغر عليه السلام
علمني عالحب شلون
سويني اعقل مجنون
على العشگ دليني
فهمني شتريد انطيك
وشلون اظل هايم بيك
عبد إلك خليني
ضايع أنه وكل غايتي
يالغالي اندلك
يحسين ارحم غربتي
معيش ابلا وصلك
................
ياحب وإنكتب اية وحي ودين وعقيده
مو حب عاطفي ومن ينتهي نرجع نعيده
حبك سيدي دعوة رسل غايه بعيده
واللي يحب شخص خل يفتهم شنهو اليريده
فهمني على هذا العشك وشلون احبك
يادرب السمه بحق فاطنه دليني دربك
فاشل كل حزب بس الذي ايسمونه حزبك
هو اليتنصر هذا وعد ومسجله ربك
المامشه بدربك خسران
ويكسبه حزب الشيطان
نعم ندم عاقبته
يحسين خليني اوياك
والله فاز الوالاك
وانه الخصم حاربته
هاذي احاسيسي حچت
هاك اسمع شتكلك
يحسين ارحم غربتي
مااعيش ابلا وصلك
...................
حبيتك نعم وبكل فخر حاضر وماضي
ماعوفك ابد لو گطعت جسمي المواضي
بس آنه ادعي ويبقى الامر يمك يقاضي
ويهذا الامر عندي المهم عن حبي راضي
شنهو الفايده لو ماردت بحساسي تقبل
ادخيلك سيدي آنه انتهي من انت تزعل
ياماي الأصل من تنگطع عن روحي اذبل
نزلي ولو گطرة امل سولفلي بالحل
يالشاري ماگول اتبيع
والضيعك هذا ايضيع
وهم خسر كل عمره
اشرلي باصبع من ايد
بس نظره واعرف شتريد
أنه بامل للنظره
ينزل على اخدودي الدمع
متفايض ويسألك
يحسين ارحم غربتي
ماعيش ابلا وصلك
.................
هو الحر رعب گلب الكرم وانت قبلته
تايب من اجه گتله هلا وفاز بتوبته
معقول الذي يبچي الك ترفض دمعته
والينحب على زينب فلا ترحم عبرته
معقوله انحسب مثل الذي حارگله خيمه
مثل اللي سلب مثل الضرب خد اليتيمه
لا ماهكذا الظن بك يبن الكريمه
بيك اتجسدت ياسيدي الرحمه العظيمه
لو گتلي ادخلك للنار
جاوبتك ابكلمة صار
انه السبب وذنوبي
بس ابقى احبك يحسين
بالنار تطلبني بدين
نعم تظل محبوبي
حتى الجهنم والدمع
من عيني ينزلك
يحسين ارحم غربتي
ماعيش ابلا وصلك
....................
صح مذنب أنه اي قصرت بس والله اريدك
گتلك سيدي بكيفك أنه فصلني بيدك
يااجمل بشر حب و وفه اقرأ نشيدك
ذبحوك وأحس خير وعطف ينزف وريدك
ماادري شنو الشافه وصرخ عابس
مالابس درع چان العشگ بالحومه لابس
جون اسود وجه بس داخله در ونفائس
چانت نيته ابيض من اجناح النوارس
هالقصه مو قصة لون
انت التدوره المضمون
شفت صدق احساسه
بيك الوجه ابيض صار
جون اليشم عطره احتار
حلو عطر انفااسه
الله يرفع قيمته ال بأخلاصه يبذلك
يحسين ارحم غربتي ماعيش ابلا وصلك
.....................
ياكعبة شرف ارزقني اجي وبدموعي اطوفك
احرامي الحزن والتلبيه اية خروفك
بعيوني عطش مايرتون الا من اشوفك
بأحساسي حچي والمختصر مابيه اعوفك
العباسك اجي ومنه ردت اذن الزياره
وهنيالي اذا مدهن الي ايمينه ويساره
لو طاح الدمع يم حضرتك هاذي اشاره
عباسك سمح ادخل الك احلى بشاره
ادخل ضريحك مشتاگ
واتزاحم اويه العشاگ
واصب الك دمعاتي
اول دعاء آنه اختار
ياربي عجل بالثار
سمع قبل دعواتي
الشباك الزمه وكلمتي
محبوبي وماابدلك
يحسين ارحم غربتي
ماعيش ابلا وصلك
https://t.me/alradodeinpoems
24 views14:32
م
