لو انت ف #ثانوية_عامة اقرا دا .. ولو حد ف ثانوي يهمك منشنه... | كتاب البرهان في الاحياء
لو انت ف #ثانوية_عامة اقرا دا .. ولو حد ف ثانوي يهمك منشنه... تجربة احدهم اول مابخرج من امتحان صعب .كنت دايما مؤمن ان اهم حاجة اشوف الجو العام ف لجنتي بعد اللجنة لو صعب ع كله يبقا خلاص لان معني دا ان التنسيق هيقل.. ف 2008 خرجت من امتحان الفيزيا واقسم بالله كل ماقابل حد لازم يطلعلي غلطة.. ف شارع.. ف نادي.. ف شات.. ف مكالمة موبايل.لازم يطلعلي غلطة ولا اتنين.. نموذج الاجابة نزل لقتني عندي 25 غلطة... يعني 25 درجة .. اتخنقت شوية وقولت مش مشكلة ماكله غلطان برده. حاليا كله هيبيع القضية انا بقا اكمل واذاكر والمواد الجاية دي لما اذاكرها كويس هفرق عن زمايلي ف الترتيب... والحماسة خدتني وقعدت اذاكر واظبط وامتحنت اقتصاد واحصاء (ووقتها كان بينضاف للمجموع) لقيت كل الناس خارجةمبسوطة وانا خارج غلطان بخمس درجات برده.. انت متخيل ؟!.. خبطتين ف الراس. لو جبل كان اتهد .. بس كنت دايما بقول لنفسي مش هغلب ومش هتهد حتي لو المادة الجاية جت صعبة واخدت الخبطة التالتة مش هتهد .. وهستني المادة اللي تيجي صعبة ع كل الناس وسهله عليا واعوض بيه الفرق اللي حصل بيني وبين زمايلي دا حتي لو اخر مادة..كنت ماسك اعصابي بطريقة رهيبة دخلت اخر مادة باخر فرصة امتحان الاحياء وكانت اول سنةيجي افكار كتير وهي فكرة ذكر عسل النحل وانت ممكن تشوفها بنفسك ف احياء 2008. ولقتني عارف كل الافكار دي لوحدي وقفلت وقتها الدرجة. وجبت ف اخر مادة 50/50 وكل الناس نقصت. النتيجة نزلت .جايب ف الفيزيا 42/50 واقتصاد واحصا 47/50. ولقتني فجاة الاول ع المدرسة بمجموع 98% لسنة تالتة فقط واجمالي 97% للسنتين مع بعض .. وفجاة التصحيح اتعدل فيه درجات وال 25 غلطة ف الفيزياء بقوا 8 درجات بس وفجاة طب واخد من 96.75 وبقيت دكتور . وكل حاجة اتمنتها اتحققت ف لحظة صمود مني. لو فاكر ان اللي حصلك دا نهاية المشوار تبقي غلطان.. وحتي لو وقعت ف المادة الجاية برده .. ي صخرة ميهزكيش مطر .مبتغلبيش ومبتتهديش.. استني المادة اللي ترفعك عالوش تاني حتي لو اخر مادة .. مجموعك بتجيبه ع اد تعبك مش حلك ف الامتحان.. متعرفش نصيبك ايه ف التصحيح. التنسيق هيقل زي 2008 واللي هيذاكر المواد الجايةهيوصل.لان كل الناس هتياس. متغلبش وخلي نفسك طويل ومتخليش حد ياخد مكانك. ولو ياست هتلاقي نقصك ف المواد اللي ياست فيها اكتر من المواد اللي زعلت عليها وهتقول ياريتني افتكر البوست دا يوم النتيجة. بالتوفيق ماتياسوش يا جماعه لا تنطفئ لربما كنت سراجاً لأحدهما وأنت لا تعلم # لو مش عايز تكون احسن واحد بلاش تكون أسوء واحد
