رحلتي في الدراسة

2023-02-18 22:54:02 • كم ساعة لازم ادرس علمود اطلع معدل عالي؟؟

راح #نوكف_شوية يم كم ساعة لازم تدرس علمود تطلع المعدل الي تحلم بي !!

• خل انطيكم مثال يوضح القضية .

اكو 3 اشخاص حطوهم يم متاهة
وكالولهم لازم تعبروها !

• واحد من ذولة الاشخاص فات للمتاهة مشي وظل يفتر منا لمن لكة مكان الخروج وطبعا استغرق وقت كلششش طويل

• الثاني كال همة ماحددوا شروط شلون اعبر المتاهة جاب سيارة وكسر جدران المتاهة وما اضطر يدور على الطريق مباشر لكا وطلع

• اما الثالث كال شعندي مفتر بيها لو مكسر ومتعب روحي اجيب طيارة واعبر المتاهة وافضهة

اذا لاحظت كلهم عبروا ووصلوا للنهاية بس كل واحد شكل


• انت هم متكدر تقيس وقت دراستك ويا طالب اخر اكو طالب بطيء الحفظ او قدرتة على الفهم قليلة شوية او ماعندة طرق دراسة حديثة ((نفس ابو المتاهة الاول الظل يفتر منا لمن لكة الطريق))

• واكو الطالب العندة قدرة حفظ سريعة هذا مياخذ وقت هواي ((مثل الكسر الجدران وصل))

• واكو الطالب الذكي والمتوفرتلة ظروف دراسية ممتازة ((مثل ابو الطيارة العبر اسرع شخص))

يعني اكيد متكدر تقيس نفسك على طالب ثاني لازم تراعي وجود
- مقدار استيعاب مختلف ، وسرعة الحفظ ، وطرق الدراسة والاجواء الدراسية الموفرة كلها تختلف بين فرد واخر

فمتكدر تقيس معدلك على عدد ساعات الدراسة #انما على مقدار سيطرتك على المادة بغض النظر عن الوقت الي استغرقتة بفهمها

• اتمنى تكون وصلت الصورة بشكل اوضح
المهم تفهم وتسيطر على المادة ومعليك بالي يكولك كلش قليل دراستك او كلش هواي


#ما_اتنازل_عن_حلمي
#لاتستسلم
#حقق_حلمك
• إيهاب ★
• t.me/Mydream19 باز کردن / نظر دهید

2023-02-18 21:55:27 #للطلبة

قد يقدّر الله اختبار مادتين وثلاث في يومٍ واحد، وجميعها صعبة، دسمة، كل واحدة منها تحتاج وقتا طويلا وأياما للمذاكرة!

يصيبك الهلع والخوف! تبكي! تُحرم من النوم..
كيف لي أجمعُ مذاكرة هذه الموادّ كلها في يوم؟

نعم، أعلمُ جيدا كيف تكون المشاعر!

لكن..
أليس الذي قدَّر هذا هو الله؟ حسنًا.
إذا أليس هو الذي قال: (لا يكلف الله نفسا إلا وسعها)؟
ماذا يعني؟ يعني أنَّك تستطيعُ بإذن الله


بداية/
توكل على الله، وثق به أنه سيتولى أمرك لا محالة.
-أدع الله أن يبارك لك في الوقت والحفظ والفهم.

-أدع الله أن ييسر لك المذاكرة والاختبار.
-احفظ وقتك، ولا تضيِّعه أبدا خلال فترة المذاكرة، لا تتصفح شيئا، ولا تراسل أحدًا إلا لضرورة، فقط اجعل وقتك بين العبادات والأهل والأكل والنوم والمذاكرة.

- جاهد، واستعن بالله، وصلّ على النبي ﷺ وأنت تذاكر.

-أوقات الراحة بين المذاكرة، اجعلها في صلاة ركعتين وطلب العون من الله، والجوال ممنوع!
-أخيرا: إبدأ يومك بالقرآن، ولا تؤخر الفروض أبدا، واستغل مواطن اجابة الدعاء، وقيام الليل.

افعل كل هذا بصدق واخلاص، متوكلا ومؤمنًا بالله الذي قدَّر لك، وأبشر بخير! لن يخيّبك الله، سيدبر أمرك، وسيعينك، وسيفرج عنك دون أن تحتسب!.

فقط..اثبت بإيمانك بالله
-هذا موطنُ اختبار صدق ثقتك وحسن ظنك بالله الذي لا يكلف نفسا إلا وسعها. باز کردن / نظر دهید

2023-02-17 22:55:04 ㅤㅤ

• شگد عيب هيچ رسائل اقراها وانتو طلاب سادس اعدادي !! عذراً اذا حيكون كلامي وياكم جاف بس هذا لمصلحتكم خل اسولفلكم فد شغله زغيرونه من چنت بالاعداديه چانت ويانه بنيه معوقه ع كرسي متحرك(احتياجات خاصه) وجانت تجي كل يوم تدرس وتداوم وتحضر وتنجح وتجيب درجات عاليه وجانن البنات يوميه ؏ وحده يدفعون الكرسي وهي معوقه! وحالتهم الماديه مو كلش تمام وهسه راحت كليه

• كيف اذا انته عندك قدره تدرس ومتوفرلك نت ومتوفرلك مدرسين واكو بيكم اهليه وخصوصي وملازم اشكال الوان عدكم ومكان متوفر للدراسه كل هذا واتكولون ماكو واهس والله فون ماخذ وقتي خوب احذف البرامج واذا قناتي تأثرعليك غادرها اي شي ياخذ من وقتك سويله دليت من حياتك لا والله هاي مااتوقعها منكم اتعوذو الشيطان وادرسو لان محد يفيدكم غير مستقبلكم هاي ايام وتخلص والوقت متحس بيه استغل الفرص اكو ناس تتمنه هسه اتكون بمكانك مااكدر اساعدك اذا انته ماساعدت نفسك الفون اتركه واحذف كل برنامج ياخذ من وقتك اطلع من كروبات الدردشات ومن كروبات الونسه والضحك احذف الالعاب من فونك وكلشي يلهيك وابدي ادرس هنا وقت الجد والتضحيه هاي سنة التحديات اجت سنة ختام ١٢ عام دراسة وانته بكيفك بعد

#ايهاب باز کردن / نظر دهید

2023-02-17 22:52:03 • طلاب السادس ، الثالث متوسط ،

- ليش لمـن صارت المسافة بينكم وبين حلمكم قريبة بديتوت تستهانون بيها ؟ ترة الوقت اللي يروح ميرجعلكم بعد وراها تتحسرون ع هاي الدقيقة اللي ضيعتوها وانتو تقرون هل منشور هسه ،

• هسه احنه بـشهر الـ 12 خـلو بداية جديدة وتحولوا شخص ثاني شخص مُجد مُيضيع اي دقيقة لان يعرف بعد كم يوم وبشهر ٨ ح ينذاع اسمه وكدامة المعدل اللي يريدة وح يفرح اهله واساتذته واصدقائه اكيد محد يحب يشوف كدام اسمه نتيجة مترضي .


• اذا جانت حجتكم الوقت فـ والله ناس بسبوع خلص منهج كامل مـيعرف شي عنه ولا قاري بيوم كلنا عدنة طاقات لو نستغلها صح حننصدم بنفسنة اصلا .

• عوفوا التلفون ولتشغلون نفسكم اكثر ، هواي دا اتأذة لمن اشوف رسائلكم تكتبون مالي واهس وما الحك وشلون ، لدوخون نفسكم لتضيعون مستقبلكم ، ثقوا شكد مـ تعبون الرب ح يساعدكم اضعاف اضعافة ، تعبوا هسه وفرحوا بعدها شكد متردون بـ الجامعة تعيشون ايام حلوة مابيها ضغوط نفسية ورافعين راس اهلكم .

• وداخلين المجال اللي انتو تحبو هذا كلش كافي ، عندي آمل بيگم شدوا الهمم بهل ايام .


#حــلميون_ابطال ★ .
#أسـتاهل_أفــرح .
#دمعت_امــي_يوم_النتائج .


• إيهاب ★ باز کردن / نظر دهید

2023-02-13 22:24:47 - #شلون ندرس المواد الادبية ( الحفظية)

#الحلول :-


- حبي اول شي سوي #تطلـع على الموضوع الاساسي وتقسيمه إلى فروع وتبدا بحفظ المواضيع واحدة تلو الأخرى ويفضل استخدام #التكرار وبصوت #عالي وكذلك اغلب طلاب سجاجة يعتمد على #الكتابة بعد نهاية حفظ الموضوع تماما لتثبيته في الذاكرة فقد وجد
أن المواضيع الي تكتب يمكن الاحتفاظ بها في الذاكرة طويلا .

بعد متخلص حفظ بخير وسلامة ( )
تجي هنا تختبر نفسك حتى لو بسؤالين شوف نفسك بي حافظ لو #كلاوات

ملاحظة :- تكدر تعتمد على اسئلة مُـناقشة او اسئلة الفصل بحل موضوع هم.تخلص من اسئلةالفصل وهم تمتحن نفسك

• إيهاب ★
• للقنوات لا احلل نقـل اي حرف بدون رابـط القناة وغير مبري الذمة بدون رابط القناة .

رابط الاشتراك بـ قناة

رابط حسابي على الانستا ( مهم)
http://www.instagram.com/eh21eh

• t.me/Mydream19 باز کردن / نظر دهید

2023-02-11 19:35:03 - ايهاب اكثر شي يخوفني هو الحك اكمل؟

#الحلول:

: خليك واثق من نفسك بكل خطوة تخطيها وكل قرار تتخذه وخلي إيمانك برب العالمين أقوى من كل شيء
#كون_قوي لأجل نفسك قبل أي أحد ومهما وصلت لمرحلة اليأس والتعب تذكر إنه عدنا #رب_كريم راح يعوضنا خير بعد كل هذا التعب

خليك متفائل وكلّك طاقة إيجابية
وانسى كل شخص خيّب آمالك وخذلك

- فكر ب أحلامك ، بطموحاتك
لتهتم اذا كنت لوحدك بهل الطريق والكل تخلى عنك ولتهتم اذا تعرضت لانتقاد من الكل وملكيت احد واكف بجانبك يكفي رب العالمين وياك يكفي حاسس بأمان وانت واكف ع سجادة الصلاه هالمشاعر تسوى الدنيا والي بيها

تمام عائلتي؟

#ايــــــــــــــــــــــــهاب .

• t.me/Mydream19 باز کردن / نظر دهید

2023-02-10 19:46:12 • اهلي يردون مني معدل واني ما اكدر !!

#الحلول :-

- من اهم المشاكل النفسيه ، المشاكل الي يسولكياها اهلك فوق المشاكل الي بيك اصلا وطبعا اكو جانبين الاول : من حقهم لان وفرولك كلشي ويردون منك الافضل وشي ثاني يردوك تصير شي جبير بالمستقبل والجانب الثاني : هم مو من حقهم لان كل انسان وقابليته وقدرته بالدراسه اكو ناس تتحمل ضغوط دراسه وتقره هواي واكو ناس ماتتحمل وما تكدر .. فأنت حاول ترضي اهلك على قدر الامكان ولا تضغط على نفسك هواي لان كل مضغوط ينفجر .


قناتي الخاصه هنا • ⁨‌‌‌‎ || t.me/E1E9E باز کردن / نظر دهید

2023-02-06 19:18:01 النتائج ..... متجامل احد نهائيا

بذاك اليوم يأما تمشي مرفوع الراس وتكرم
على جهدك وتعبك وتشوف اهلك واصدقائك مفتخرين ومنزلين بيك ستوريات

او تمشي وانته مكسور ومستحي من نفسك
واتشوف الناس يبدون يستعطفون وياك
وراح تشوف غيرك حقق الي انته جنت تتمناه
بسبب حرصة والتزامة

تعبوا علمود ذاك اليوم
⁨⁨‌‌‌‎⁩

⁨‌‌‌‎⁩|| t.me/Mydream19 باز کردن / نظر دهید

2023-02-06 13:12:24 • ممرتاح لشغلة النسيان تكول عبالك مقاري شي
حتى مرات انام وافز لان حاولت اراجع شي قاري ومتذكرت واركض للكتاب

- معقولة اظل هيج انسى ويتبخر كل هذا التعب


• اغلبكم يعاني من هل شغلة #النسيااان
بوضعكم حاليا النسيان نوعين النوع الاول اما مادارس بتركيز وتنسى وهذه النوع لازم تقرا بتركيز وتعالجه

- اما النوع الثاني تقرا وبعد فتره تنسى مثلا قريت فيزياء وضبطتها حولت كيمياء وتريد تتذكر الفيرياء صعب تتذكرها بالتفصيل هل شي عادي

- امثلك الشغلة شايف الجرارات مال كومدي من تخلي بيهم هواي اشياء واحتاجيت منهم شي لكن ناسي بالضبط اي جرار خليته تتعاجز تدور لكن اذا اضطريت ح تدور بيهم كلهم الى من تلكا

- كذلك دماغك به كل المعلومات لكن حاليا ممحتاجهم بشكل جدي لذا ميطلعهم لكن من يصير وقت الامتحان وفعلا تحتاجهم ح يضطر يستذكر كلشي

حتى انت ح تتعجب شلون تذكرت!!!

• هذا كل مافي الامر
لو فرضنا فعلا انتوا تنسون وابد متذكروا
كان الاجيال القبلكم مصفرة بالوزاري لان هم كانوا ينسون!

• معناها ماكو نسيان بوقت الامتحان يطلع كلشي ف لتخاف وتتوتر فقط كمل على نفس النمط ودراسة بتركز وكلشي ح تتذكرة واكثر

وبالتوفيق إن شاء الله
⁨⁨‌‌‌‎⁩

⁨‌‌‌‎⁩|| t.me/Mydream19 باز کردن / نظر دهید

2023-02-05 19:23:06 القنوات للـــــــــبيع  :

القناة الاولى تحفيزية  و عددها 24k هذا رابط معرفها 
1- http://t.me/Mydream19

القناة الثانية كذلك للنصائح الطلاب وهذا رابط نعرفها
2-https://t.me/Thfez9

القناة الثالثة خاصة بيج التعليق العراقي   هذا رابط معرفها
3-https://t.me/Doctors21

التعالم فقط رصيد كورك عبر المعرف @E2E1E1

#ايــــــــــــــــــــهاب باز کردن / نظر دهید