2020-06-12 14:41:35
ماما ديما تقولي "
- ماتخشيش بين الخوت راك تطلعي برانيه.
- وردي بالك تحكي بالشين ولا بالملام فـ الفرح ولا فـ العزاء.
- وردي بالك توعدي بنادم بـ شيء و انتِ فرحانه.
- وردي بالك تردي علي بنادم عزيز عليك و انتِ زعلانه.
-وخوك ماتحكيش قدامه هذي ماهي بنت فلان وبنت فلانَه.
- وخوك تحترميه مش تخافي منه.
- وماتسلميش على حد كبير وانتِ مقعمزه.
- وماتكسريش خاطر عيل مد يده يبي منك حاجه.
- وكل شي يطيح الا قدر الرجاله.
- وصاحبتك تبيعي عليها روحك لو تستاهل.
- والبنت الي ماتحترم هلها وامها وبوها ماترافقيهش.
- والبنت الي تجي وتقولك قالوا عليك قوليلها مايحكوش قدامك لو فيك الخير.
- وخالك ماتبصريش معاه الا فـ حدود المعقول.
- وانتِ امشي صح تلقي الدنيا ماشيه فـ طوعك.
- وماتمشيش غلط راهو الدنيا طرقها واجد وتُوهم.
- وماتجرحي حد وتقولي كنت نبصر معاك راهو البصاره بنت عم الحق.
- والي يغلط فيك ماتغلطش فيه لان هنا يبان فرق التربيه.
- ولما تبي من حد كبير حاجه امشيله ماتناديش.
- وماتقوليش انا وانا خلي الناس تجبد افعالك.
- والي تقولك انتِ زي بنتي قوليلها انتِ زي امي مرات كلمه تجبر الخاطر.
- والي ينصحك وسط الناس ماتاخذش نصيحته.
- والي ينصحك بروحك اسمعي منه وماتقاطعش.
- والي يقولك توا يدور الزمان وتجيني قوليله على قد فعلي نبي الدنيا توريني .!
#المستهين_بقدر_النساء_يجب_أن_تُعاش_طفولته_من_غير_أمّ
1.8K views𝒏𝒂𝒋𝒘𝒂 𝒆𝒍𝒇𝒂𝒊𝒅𝒚 , 11:41
𝐆
