نتاوي

2022-02-20 14:32:20 النهاردة تم الإعلان عن انتحار "جان لوك برونيل" واحد من الأشخاص المتورطين في قضية "جيفري إبستاين" الشهيرة.
جيفري إبستاين (الصورة على اليمين) ملياردير أمريكي تم اتهامه بالاتجار بالقاصرات واستغلالهم جنسيا.. ولما اتقبض عليه اتورط معاه مجموعة من الشخصيات المعروفة اللي كانوا على علاقة بيه أبرزهم الأمير أندرو (العائلة الملكية البريطانية) اللي يقال إنه اعتدى على قاصرات، ومن ضمن الشخصيات اللي اتورطت إعلاميا فقط دونالد ترامب وبيل جيتس.
في أحد المقابلات اللي اتفرجت عليها من فترة لبيل جيتس لما اتسأل عن علاقته بجيفري إبستاين اتخض وقال حرفيا Well, he's dead.. وده يوضح شعوره بشيء من الارتياح لسبب ما.
"جيفري إبستاين" مات مشنوق في زنزانته واتقال إن السبب انتحار.. النهاردة "جان لوك برونيل" بردو مات مشنوق في زنزانته واتقال إن السبب انتحار.. وطبعا في الحالتين يا مكانش في كاميرات يا إما كانت عطلانة.
وفاة الشخصين دول في ظروف مريبة توضح إن في شخصيات مهمة متورطة معاهم.. خصوصا إن إبستاين كان قواد وكان بيوفر القاصرات لأشخاص أصحاب نفوذ نظرا لعلاقاته كملياردير. باز کردن / نظر دهید

2022-02-20 07:30:18 إليك قائمة بأفضل برامج أنتي فيروس تحميك من الفيروسات ومن ويندوز ديفيندر
https://bit.ly/3JGF1wk باز کردن / نظر دهید

2022-02-20 00:42:07 لو عندك راوتر بأنتينا خارجية وبتستخدمه داخل منزل أو مكان مكون من طابق واحد يفضل تخليهم في وضع عمودي.
تني الأنتينا في السيناريو ده ممكن يضعف إشارة الواي فاي بسبب طبيعة انتقال الموجات الراديوية. باز کردن / نظر دهید

2022-02-19 14:22:21 أب في قرية فرنسية كان عايز يمنع أولاده من الدخول على الإنترنت فاشترى جهاز تشويش واستخدمه لحجب إشارة الراوتر.. لكن جهاز التشويش مش بس قطع الإشارة من الراوتر بتاعه.. ده قطع خدمة الإنترنت عن القرية بالكامل..
الأب حاليا بيواجه غرامة 30 ألف يورو و6 شهور سجن. باز کردن / نظر دهید

2022-01-06 00:35:59 واحد في أمريكا اتمسك في عملية تصيد للمتحرشين بالأطفال.. تم اعتقاله ومصادرة الموبايل بتاعه.
بعد اعتقاله اتصل على أخوه في الهند وقاله معلومات الدخول الخاصة بحسابه على جوجل وطلب منه تفعيل ميزة "محو البيانات" عشان يمسح كل البيانات الموجودة على موبايله الأندرويد.
على ما الجماعة بتوع الـFBI جابوا مذكرة التفتيش كان الموبايل بقى أبيض وكل حاجة موجودة عليه اتمسحت، بما في ذلك أدلة الإدانة وهي المحادثات بين الشخص ده وبين عميل الـFBI اللي كان بيراسله على أساس إنه بنت عندها 15 سنة.. باز کردن / نظر دهید

2022-01-05 18:04:10 بيقولك شركة جوجل وآبل عملوا اتفاق سري من عدة سنوات إن جوجل هتدفع لآبل مقابل عدم تطوير محرك بحث خاص بيها واستخدام جوجل كمحرك بحث افتراضي على كل أجهزتها.
قضية جديدة النهاردة اترفعت ضد الشركتين والمديرين التنفيذيين ليهم بسبب وجود اتفاق بعدم المنافسة، وده بينتهك قانون مكافحة الاحتكار في أمريكا.
حسب القضية؛ فالاتفاق بين الشركتين بيتضمن "قمع" أي شركات ناشئة من خلال عمليات الاستحواذ. (في حالة الرفض بيتم اللجوء للمقاضاة بحجة انتهاك براءات اختراع أو ملكية فكرية لاستنزاف أموال ومجهودات الشركات الناشئة).
من المعروف إن جوجل بتدفع لآبل مقابل الاعتماد على محركها. السنة اللي فاتت جوجل دفعت لآبل 10-12 مليار دولار مقابل استخدام محركها فقط، والسنة دي متوقع يوصل الرقم إلى 15 مليار دولار.. وده تقريبا 5/1 من أرباح آبل السنوية. باز کردن / نظر دهید

2022-01-05 07:34:33 ده المفروض إنه إعلان لشركة آبل عن ساعتها Apple Watch Series 7 بس تقريبا الفيديو قلب منهم إعلان للحانوتي.. باز کردن / نظر دهید

2022-01-04 19:47:24 ابقى خدوا بصة على الصلاحيات اللي مع تطبيق My NTRA‏.. باز کردن / نظر دهید

2022-01-03 18:01:14 موظف توصيل في أمازون بعد ما وصل الطلب للعميل شاف عنده سلة فلعب الكرة فيها مرة ومشى.. كاميرا الباب بتاعت جار العميل صورته والجار نشر الفيديو على موقع Nextdoor.. أمازون لما عرفت طردت الموظف ! باز کردن / نظر دهید

2022-01-03 06:27:03 تدخل مطعمًا فتجد فيسبوك يقترح عليك شخص قابلته لأول مرة يجلس في نفس المطعم، تتعرف على شخص للمرة الأولى وبعدها بدقائق تجده أيضًا في قائمة الأصدقاء المقترحين !!
كيف يتمكن فيسبوك من تحديد هؤلاء الأشخاص بهذه الدقة من خلال الاستفادة من البيانات التي لا تعلم بوجودها كبيانات المستشعرات وخدوش عدسة الكاميرا
إليك أبرز التقنيات المتطورة التي يستخدمها الموقع من أجل اقتراح أشخاص قد تعرفهم بهذه الدقة
https://bit.ly/2r169mQ باز کردن / نظر دهید