فى زمن السوشيال ميديا أنا عاوزك تركز معايا فى الكلام دة شوية.. | 💥لابد من النجاح💥
فى زمن السوشيال ميديا أنا عاوزك تركز معايا فى الكلام دة شوية..
لو شيرت أغنية ، أو ألبوم صور لممثلة جميلة وجذابة وكتبت عليه كابشن بالإنجليزى مثلًا Folana - 1986 أو جرب تنزل أى حاجة ماشية تبع الموضة ، TikTok أو Netflix أو تريند بياكل مع الناس أو أى حاجة تافهة هتلاقى التفاعل عليها كبير جدًا.
فى حين إنك لو جربت تنزل حاجة تنفع بيها الناس! هتلاقي تقريبًا محدش بيقرأها غيرك انت والمروحة.
لو بحثت عن كلمة '' أكثر الناس'' فى القرآن هتلاقى بعدها : [ لا يعلمون - لا يشكرون - لا يؤمنون ] ولو بحثت عن كلمة ''أكثرهم'' هتلاقى بعدها : [ فاسقون - يجهلون - معرضون - لا يعقلون - لا يسمعون ]
ولو بحثت عن كلمة ''قليل'' فى القرآن هتلاقي الآيات : [ وقليل من عبادى الشكور - وما آمن معه إلا قليل - ثلة من الأولين وقليل من الآخرين ]
قال الفُضَيل بن عِيَاض -رحمهُ اللّٰه : ” عليك بطريق الحق ولا تستوحش لقلة السالكين ، وإياك وطريق الباطل ولا تغتر بكثرة الهالكين “
و قال تعالى : " وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُون " [ الأنعام : 116 ]
