الدكتوره ال وقعت في الزِنا مع طالب جامعي ، لما كانت في ثانوي ع | 💥لابد من النجاح💥

الدكتوره ال وقعت في الزِنا مع طالب جامعي ، لما كانت في ثانوي عمرها ماتخيلت إنها تعمل كدا ..

الشيخ ال حياته كلها بين المسجد والقرءان عُمره ما تخيل إنه يموت علي الكُفر ..

المُنتقبه ال لبسها إسود في إسود عمرها ما تخيلت تقلع الحجاب وتلبس بنطلونات ..

كل ال انتكسوا مكنوش عارفين إنهم هينتكسوا ، وكل ال حياتهم فجأه اتحولت ومعصيتهم ظهرت للناس ، عاشوا كتير اوي تحت ستر ربنا بس متعظوش للأسف!!

برصيصه العالم الجليل صاحب الخُلق والدين ، الناس كانت بتلجأ إليه من كل مكان عشان يحل مشاكلهم ويدعيلهم ويعالجهم بالقرءان من السِحر وغيره ، جاله ناس يعالجوا بنتهم عنده وطلبوا منه تفضل معاه وهم في كامل الآمان والثقه إن عالم الدين والراجل الطيب دا لا يفعل الحرام
، بقا يحط لها الاكل قدام الباب وبعدين بدأ يدخل الأكل ليها وبعدين ياكل معاها إلي أن وقع في الحرام وفعل الفاحشه ، لما اكتشف إنها حامل قتلها والشيطان زُين له أنه لو ركع له سيُنجيه وبالفعل ركع له ثم قبضه الله ومات علي الكُفر ..

اكتر حاجه بخاف منها هي حديث النبي صلي الله عليه وسلم "إن العبد ليعمل بعمل أهل الجنة حتى ما يكون بينه وبينها إلا ذراع، فيسبق عليه الكتاب، فيعمل بعمل أهل النار فيدخلها " ..

الشيطان مش هيجي يقولك إزني او اقتل او أكفر بالله ، لكن هي خُطوات بتتبعها ممكن تبدأ بضحكه ، بصوره ، بمحادثه ، بأغنيه ، ببوست ، بفيلم ، بخُلوه علي النت ، ممكن توصلك إنك تموت علي الكُفر فمتستهونش ابداً بالذنب ..

احذر أن تهتك سِتر الله عليك ..

اللهم ثبت قلوبنا اللهم ثبت قلوبنا واحسن ختامنا واجعلنا علي الوجه الذي يُرضيك عنا ، وقِنا شر الفِتن ما ظهر منها وما بطن.

- مقتبس