گوم افزع اخواتك طرن الهيمه ياعباس خويه افزع يبو الشيمه خويه افزع ترانه بشاربك ذمه شلون العين تغفه والهوه اشتمه يبو فاضل ازلام وخيل ملتمه يخي ضعني تتطشر ياهو ليلمه ذب عمامتك عباس تحشيمه گوم افزع علينه وفزع اخوانك احشمنك كفيلي احترگ صيوانك بصياح وضرب طلعوا نسوانك جتفوهن ياويلي بحبل عدوانك ياعباس خويه احترگت الخيمه هاي الناس خويه خيامي حرگوها ماتفزع علينه وسكنه جروها ولتبجي اجوها بسوط ضربوها رقيه وبالحبل ويلاااه شدوها گوم وزلزل الميدان عالجيمه يبو فاضل يخويه ترضه يسبونه وبدرب الهظم تاليهه مشوونه شلون شلون گلي شلون عفتونه شلون ابن الصميده تغمض عيونه وذاخرتك يخويه لوكتي ولضيمه زلم وخيل كلهم داروا اعليه وكلها تصيح زينب هاي مسبيه وصارت بالخيم فرهود ابو ارقيه خل يلحگ اخوها وشدهن اديه وبسوطه الشمر يفتر عله يتيمه باقر جبار الشويلي 456 views21:18
