قصص♨ واقعيه

2022-09-01 11:51:10 إبداع أم في علاج مشكلة ابنها

في كل يوم يأتي الصبي إلى البيت متذمراً من طباع رفاقه، شاكياً من مضايقاتهم المستمرة له، وبعد مدة رأت أمه وضع حد لهذا،

فأخرجت الميزان القديم ذا الكفتين وأحضرت المكعبات الخشبية التي يلعب بها،

وقالت له: "بماذا يضايقك أعز رفيق لديك؟
عليك أن تعدد عيوبه وسوف نمثل لها بالقطع الخشبية، ثم نستخرج النتيجة"،

قال الصبي: "أنزعج منه لأنه يستعير أغراضي بلا إذني، ويجبرني على الألعاب التي يحبها هو، ويمتنع عن مشاركتي بالألعاب التي أحبها أنا، ويتكلم معي بفظاظة، ويمزح مزاحاً ثقيلاً...

اختارت الأم المكعبات حسب حجم المضايقة التي يشعر بها الصغير، ووضعتها في الكفة اليسرى من الميزان

ثم سألته: "لماذا أنت حريص على صحبة رفيقك هذا ما دام مزعجاً، ويسبب لك هذه المضايقات؟!"،

فأجاب الصغير: "لأنه يقاسمني طعامه وشرابه، ويسمح لي بركوب دراجته، ويشرح لي ما استعصى علي فهمه من مسائل الحساب، ويسأل عني إذا غبت...".

فوضعت الأم مكعبات من الخشب في الكفة اليمنى على عدد مزاياه، فرجحت الكفة لصالح حسنات رفيقه الحميم (وكذلك فعلت مع بقية الرفاق)

يقول الصبي: "أمي حلت مشكلتي في دقائق قليلة وبوسائل بسيطة، ولكن حادثة الميزان علقت بفكري طوال السنين، وصرت لا أنتقد أحداً إلا رأيتني أقابل بين حسناته وسيئاته وبناء عليه أعرف كيف ينبغي أن أكون معه وهل أصادقه أم أهجره".. باز کردن / نظر دهید

2022-09-01 11:51:06 باز کردن / نظر دهید

2022-09-01 11:50:36 هزتني هذه العبارة الحمدلله كما هو اهله #كيف_اخاف_من_الفقر_وانا_عبدالغني

"أحب جدًا آية "‌‎وَلَقَد مَننَّا عَلَيكَ مرَّةً أُخرَى"
عشان تذكرني دائمًا إن ربي ما أنعم علي مرة، ولا رزقني مرة، ولا اكرمني مرة، ولا لَطف بي مرة، بل حياتي كلها نِعَم وأرزاق وكرَم وألطاف مُتجددة، في كل يوم وكل وقت، وإستشعارك لِمنّ الله عبادة، وفي إيمانك بعطاياه طمأنينة لا تنقطِع
مسأكم خير وطمانينة و سعادة باز کردن / نظر دهید

2022-08-31 12:44:33 وصار عندي رجال يتحكم بي ويفرض علي واجبات
حبلت من اول ليله
مع الحمل لازم اخدم بالبيت والخطاطير الي ماتخلص
كمل بيت كاظم وجتي شهله تعيش يمنا
وعمي بدء يبني بيوتنا الثلاثه
وبيوم ندك الباب وشفنا تابوت وعليه علم العراق وجنود جايبينه
طلعنا نلطم بدون مانعرف منو الشهيد بس اكيد واحد من الولد
وطلع حماي باسم عمره ١٩سنه
استشهد قبل مايتزوج وبعده بعز شبابه
فاجعه جبيره لعمي وعمتي فضيله
خيم الحزن عالبيت حتى التلفزيون ممنوع ينفتح مده سنه كامله
صحة عمي جاسب تدهورت حتى للشغل قلت روحاته والمعامل بيد المصريين لان ولده كلهم جنود
هو وزع المعامل ع ولده وشهله بقت تحجي ليش وليش خل من يموت كلمن ياخذ حقه ماعرف شنو تفكيرهه يمكن لان زوجها هو الجبير وتتوقع حايسيطر ع الورث
تقسيم عمي جاسب كان عادل مافرق بين ولده
ولدت اول طفل وسميته هشام
عمتي فضيله قللت ضغطها علي بس وسيله كانت البنت المدلله بالبيت ومحد يكدر يحجي وياها وعمتي تشتريلها ذهب ويخزنون وعمي كال من يكمل بناء بيوتنا يروح يبني بيتها
حماي عدنان تزوج ويانا بالبيت وزوجته علمتها عالشغل وتساعدني
جبت الولد الثاني وسميته احمد
بالنسبه لمحمود لان يجي اجازات كل شهر سبع ايام ميحاول يزعلني
مرات يتعارك وياي ويضربني اذا اشتكي من امه ومعاملتها
وهو يشوف بعينه تعاملها لكن ماينطي بيها

محمود بالعماره عالحدود مع ايران وعند انتهاء الحرب
رجعوا كل الجنود الا محمود واني حامل بالطفل الثالث
الناس فرحانه برجوع ولدهه وعمي كلبه مشتعل نار
من شاف ماكو محمود طلع للعماره يسأل ع محمود
وهناك شاف المصيبه
محمود مسجل مفقود ميعرفون وين ختفى
لاندري تأسر اثناء المعركه او نقتل
لما سالهم ليش ما بلغتونا كالو ننتظر يجوز متأسر
رجع عمي مكسور ودموعه ع خده
لا هو ميت وجايب جثته ويدفنه ولا هو أسير وننتظر يرجع
هنا اني نكسرت اكثر طفلين والثالث بطني بقيت أسيره
يم فضيله هي وظلمها
اذا جهالي يهوسون تصيح واذا يلعبون دكول توسخ البيت
واذا يتعاركون ويه جهال حماي دكول جهال بدريه وكحين
عمي جاسب لان نكسر من فقدان ولده جان يكظي الوكت بالبيت ويشوف بعينه
طلبت منه اروح اسكن بيتي اني وجهالي وحمويني يمي
ماقبل كال ماعوفج وحدج اول جيبي وبلكي نسمع خبر من محمود
ولدت الولد الثالث سميته ليث
فضيله ماتحملتني اني واطفالي طلبت من عمي يدزني لبيتي
بس عمي جاسب كاللهه حضري ملابسي اروح وياها ماعوفها وحدهه وابقى ادور ع ابني لحد ما اسمع خبر منه
لملمت اغراضي واخذت بس غرفتي
ورحنا اني وعمي وجهالي لبيتي
اول مره انام بدون ما اخاف تجي فضيله ترفسني حتى اكعد
انام وجهالي بحظني ومحد يكولي كومي طبخي وكومي غسلي
عمي مكسور وماله خلك يروح لبيته يم فضيله بالنهار ويجي بالليل
اشترالي اثاث طباخ وثلاجه وغساله وزوالي وفرش
طخم قنفات وانطاني مصرف وكال اشتري للولد ملابس
وراها دخل العراق حرب ثانيه وحصار وحرب اخرى
واني وحيده وكل فتره ندور ع محمود بلكي نلكي امل
حتى فكرنا اخاف محبوس وهم ماكو
كبروا ولدي بوجود جدهم عمي جاسب وهما كل فرحتي بالدنيا
عمتي فضيله صح بعيده عني بس هم تتدخل بحياتي لكن عمي مايسمحلها
وبيوم سمعنا كتشفوا مقبره جماعيه لجنود عراقيين ع حدود العماره
ومحمود كان من ضمن الشهداء المدفونين
استلمنا الرفاة ودفنا بالنجف
وصرت ارمله بعد سنين عشتهم بأمل يرجع ابو اطفالي

بعد سقوط النظام ولدي رادوا يرحون لايران يدورون ع اهلي
واني اخاف عليهم
ابني الجبير كال اروح وحدي
بدون جواز عن طريق مهرب ب ٢٥٠$
وراح والتقى بامي وابوي كال كبار وشياب
سويت جواز ورحت شفتهم بعد كل هالسنين الي عشتها
لا اكدر الومهم ولا هما يكدرون يلوموني هو هذا كان قدري
توفى عمي جاسب من قهره ع ولده
وعمي فضيله بعد زواج بنتها وابنها هم طلع بيته بقت وحدها
اخذتها عندي بقيت اداريها وهي مره جبيره ومريضه
مرات اباوع عليها اكول وين الجبروت وين التسلط الي جنتي بي
هسه وكعتي لا صحه ولا سلطه وتاليتج جيتي يمي
بس ماكدر احجي شي لا بعدين جنتي تسوي بي
لان كوله سلف ودين
ولدي يشتغلون وزوجت اثنين منهم صح ظروفي الماديه صعبه
بس الحمد لله من ربي رزقني باولادي هما فرحتي بهالدنيا
عمتي فضيله توفت عندي الله يرحمها ويغفرلها
هذه حكايتي بدريه

اتمنى وصلت رسالتي
اذا دعتك قدرتك ع ظلم انسان فتذكر قدرة الله عليك
لاتظلم احد تذكر بيوم راح تندفن جوه التراب وتتحاسب حتى ع الكلمه الي تنطقها
تدرون لو رايحه بذيج اللحظه ويه ابوي لايران شلون جانت حياتي شتتوقعون ؟
بس رب العالمين كتبلي ابقى بالبصره واعيش واتزوج واخلف بيها

شكرا لمتابعتكم اعزائي
النهايه
++++++++ فردوس عبد اللطيف ++++++++ باز کردن / نظر دهید

2022-08-31 12:44:33 #من_كل_بيت_حكايه
سلسله قصص قصيره
بقلمي فردوس عبد اللطيف
كعدت عالارض والطم وافتح بالحبوب اريد اخذهم جرعه وحده
ماشوف الا نكفخت راشدي من شهله كومي تردين يكولون بيها شي وماتريدنا نعرف
ولج فضيله حتى بشرفج تطعنج انت تخبلتي واذا تموتين ترحين لجهنم
بدريه مو اني عايشه بجهنم لا اني يتيمه من صدك واكول اهلي ميتين
وجوه التراب اشو عايشين بايران واني هنا والحرب مستمره مالها نهايه
شوكت يجون وينقذوني
حتى بيت عمي سهيل منعتني اروحلهم ومن يجون البنات تخوزرهم وتسمعهم حجي وتدز وسيله تكابلنا وتسمع شنحجي
حتى ماكدر اشكي لاحد بس انت ومابيدج شي تساعديني
شهله خل اساعد نفسي اول مو زوجوني لابنهم مامفتهمه منه شي
يجيني بترابه ووسخ المعمل ويريد يتقربلي
غير المعيديات الي يصادقهن
همزين كدر يحجي ويه ابوه وبنالي هالمشتمل وكعدني بي
انت ماتكدرين تطلعين من سجنهم هذا قدرج ولازم تتقبلي
بدريه ياريتني اموت واخلص من هالعيشه
شهله بعدج صغيره وماكو شي يبقى ع حاله
بدريه ما ريد محمود لو ابقى طول عمري بلا زواج ماريده
شهله انت حبيتي ريسان
بدريه بالبدايه اخذت الموضوع ضحك لكن كلبي حبه
شهله احنا مانكدر نختار هما يختارونه من توفى ابوي
عمي جاسب هو الي يحكمنا
بقيت ابجي وادعي ربي يفرجها علي
والي مكتوب هو الي يصير
وسيله هاي انت هنا وامي خبصتنا تصيحج وانت طرشيتي
شهله مو تلفزيون صوته عالي ماسمعنا
وسيله دكومي اجه ابوي
بدريه ركضت غسلت وجهي ماريد عمي يشوفني ابجي وراح يسألني واني متأكده مراح يكدر يغير شي لان فضيله هي الي تتحكم
وره ماكملنا الغده جبت الجاي وسمعت عمي يحجي ويه زوجته
خل اول اكمل بناء القطع الي شتريتهم
اشتريت قطع اراضي اكل ولد قطعه وقطعه خليتها باسمج هاي ابنيها بيت جبير النا اني وياج واذا متت ماريدج تتبهذلين البيت باسمج
فضيله عمرك طويل حجي
اخذت قطعتين وحده بصف الثانيه الي باسمج والثانيه باسم كاظم
وقطعه جبيره قسمتها ثلاث بيوت محمود وصالح وعدنان ذولي مسافه عنا
بقت بس وسيله دفعت عربون القطعه مالتها خلال هالاسبوع تتحول باسمها
نطيني مهله سنه وحده ابني قطعة محمود وازوجهم
فضيله حجي البنيه صغيره وحلوه شلون نعوفها وحدهه بيت وتدري محمود عسكري مامتواجد
اول شي ابني بيتنا وبيت كاظم وتعيش ويانا لحد ما يتسرح من الجيش
بعدين اني احتاجها تخدمني بالبيت
جاسب خلال سنه ازوجهم

بدريه كلمن يفكر بمصلحته !!!اني منو يفكر بي ؟
عندي مهله سنه بلكي بهالسنه تخلص الحرب ويجون اهلي ينقذوني
رحت ع دفتري وكتبت رساله ل ريسان وحجيتله كل الي جاي يصير
ولازم ينساني واني هم لازم انسى لان راح اتعذب
شمرتله الرساله وراح
يوم الثاني من الصبح شفته من السطح واني الملم الفرش
بيده رساله
نزلت ركض اخذتها من يم الباب وسديته
شكله تعبان ومقهور
رسالته كلام حزين وطلب مني انهزم وياه
كلامه مو منطقي وين ما نروح يلكفوني ويقتلوني لان عمي جاسب
يكدر يوصل باي مكان بعلاقاته
جاوبت ريسان بالرفض وكتله بعد ماراح استلم منك اي رساله ولا راح اطلع
بالباب ،،،
لان ماريد يلكفوني وراح يسودون عيشتي
بس ريسان مالتزم بقى يجي يوميه ويحاول يدزلي رسائل يشمرهن يم الباب
من يروح اخذهه اقراها وامزقها
علاقه فاشله من بدايتها ماناقصني هموم بعد اضيف ع نفسي باب جديد
كافي علي ظلم عمتي فضيله ودلع وسيله
اما شهله صح تساعدني بس مرات احسها تستغلني انظفلها واساعدها بشغل بيتها
كل واحد منهم ياخذ قبل ماينطي !!
مرت السنه تركض والبيتين خلص بنائهم ماعدا بيت كاظم يحتاج بعض تشطيبات
تحولنا للبيت الجبير وشهله بقت بالمشتمل
ممنوع علي اروح الا بيدهم يودوني يمها لان هي الوحيده الي اكدر افضفض يمها وتسمعني

جاسب بويه بدريه باجر راح نروح نشتري غرفة نوم واسبوع الجاي عرسكم لان اجازه محمود اسبوع القادم
وانت فضيله روحي اشتريلهه الذهب والملابس اخذي هذا المبلغ
بدريه عمي ماتلحك الخياطه تكمل ملابسي
جاسب ع شنو خياطه اشترو جاهز وفضوها
بدريه رحت ختلت بالمطبخ ماريد اسمع تفاصيل
حتى بزواجي مسلوبه الاراده ماستلمت اي مبلغ كوله بيد فضيله
وهي الي ختارتلي واشترتلي ع ذوقها والغرفه هما جابوهه واني لازم ادخل انظفها وارتبها للعريس ابنهم
واجه محمود بالاجازه وجابوا الذبايح وعزموا الاهل والاصدقاء
الكل فرحانه وتركص الا اني راح انذبح بيدهم
قدموني هديه لابنهم
وزوفونا واني ما اطيق انظر لوجهه وكوله غصب
واصعب ليله هي ليلة عرسي ع انسان ما اطيقه وراح يصير السجن مؤبد
بيت عمي جاسب وانضافت واجبات الي غير خدمتهم وهي واجب الفراش لمحمود
حتى بصبحيتنا كعدتني اسويلهم الريوك ماتغير شي الا اني صار عندي غرفه وكنتور اخلي بي ملابسي بعد ما جنت اخليهم بصندوق باز کردن / نظر دهید

2022-08-30 13:07:12 أوحى الله تعالى إلى داود (عليه السلام): يا داود إني وضعت خمسة في خمسة والناس يطلبونها في خمسة غيرها فلا يجدونها... وضعت الراحة في الجنة وهم يطلبونها في الدنيا فلا يجدونها .
.
.
روي الإمام الصادق (عليه السلام) - لأصحابه -: لا تتمنوا المستحيل!، قالوا: ومن يتمنى المستحيل؟!
فقال: أنتم، ألستم تمنون الراحة في الدنيا؟ قالوا:
بلى، فقال: الراحة للمؤمن في الدنيا مستحيلة .
.
*ان الله لم يخلق الراحة في الدنيا بل خلقها في الاخرة*
*فالانسان يبحث دائما عن الراحة*
*فالطفل يقول متى اكبر*
*والشاب يقول ليتني اعود طفلا*
*والشیخ يقول ليت الشباب يعود يوما*
*والمتزوجة تقول ليتنی اعود عزباء*
*والعزباء تقول ليتني اتزوج*
*والذي لم ينجب اطفال يقول ليتني عندي طفل واحد*
*والذي انجب اطفال يتضجر ويقول ليتني لم انجب اطفال*
*والذي تزوج امرأة واحدة يريد ان يتزوج الاخرى بحثا عن الراحة*
*وكلا يبحث عن الراحة*
*ولكن لاوجود للراحة في هذه الدنيا*
*قالت مريم: ياليتني مت قبل هذا، ولم تعلم أن في بطنها نبي*
*فلا تيأسوا إنَ طال البلاء فالفرج يأتي*
.
. باز کردن / نظر دهید