حجي شعواط

2021-06-09 12:33:55 كواهم الله عمي

بيت صديجنا حجي راهي عدهم ديچ هذا الديچ خابصهم خبص

ذاك اليوم مسيرين عليهم انا والعجوز
وهذا الديج كل شوية يعوعي

حسرة علينة نسولفلنه سالوفة وبغج وهو اجلكم الله واكف على الطهارة ويعوعي
ثبرنا ثبيرة

اخر شي ابو راهي استحى كال ابو عطاب اعذرنة هذا الديچ رجلية بالخــ....ة ويعوعي


هسة هذا الخربيط لا سمعة بيها حظ لاموقف مشرف لا مقاتل داعش تفله على همر ماعدة وصارلة يومين خابصنة بالرمي والتدريب

الستار الله ياعمي باز کردن / نظر دهید

2021-06-08 14:47:47 شلونهم الاعزاز ..

هاي ببداية الثمانينات
چانوا المصريين هستوهم جايين للعراق وبعدهم ميعرفون اللهجه العراقيه
اكو مصري طايح بوحله مال طين بقرية
ومحد يمّه ويريد يطلع منهه وما يگدر

بهل اثناء اجه صديجي كلش حجي راهي شايل (مگواره) بيده
وچان المگوار بذاك الوكت سلاح فتاك(مثل الBKC هسه) عند أبناء العشاير

صاح المصري وهو غاط بالوحل
( انگدني ) ... انگدني.. بالعصايه اللي بايدك يا حاگ
گله حجي راهي ..
خايب ولك اتموووووت وابتلي بدمك ورب مايضل براسك ظل المصري يتوسل بيه.. أنگدني ياحگ ...
انگدني اركوك انكدي

گام الحجي
نكده بالمگوار على راسه طير نور محمد من عيونه
خلاه ست أشهر ياكل ماصخ...ومايعرف اليجيه.!!


هسه احنه صارت سالفتنا مثل حجي راهي
الشعب يصيح انقذونا من الفقر والجوع ، تجي حكومة المبخوت مصطفى الكاظمي نگدته بموازنه شعلت مصنمه ، وصعدت سعر صرف الدولار وخلت العالم حايره بخبزتها !

#حجي_شعواط باز کردن / نظر دهید

2021-06-06 15:55:38 هاي بأيام الحصار طكنا الجوع حيل وصرنا نشتم ريحة مركة الدجاج على بعد عبالك جلاب بوليسية

جارنا عدهم وليدهم بالخارج ويدزلهم فلوس وغاركين بالنعمة
فـ يوم أجاهم خطار ظلت الطليان ما لها والي

وأحنا أرواحنا مسحونة
ونتابع المباراة صينية صينية صحن صحن وخاشوكة خاشوكة

شوية ونسمع بابنا أنرفس وجابولنا صينية جبيرة كلش متروسة شكل على شكل وأبنهم كال
هاي أنطوها للهايشة حرامات تنذب


لكفنا الصينية وكبل للأستقبال وچيتنا كلنا
أبوي نفسه عزيزة كلش كلت هسه يكلب الصينية فوك روسنا

بس شفته هم چيت ، شوية وأبوي رفع أيده
كلت أشتغلت عنده عزة النفس وراح يخرب الغده علينه
وچان يطگ أخوي الزغير بعچسه ويكله
كوم ولك أركض على جيراننا كلهم
الهايشة تريد مركه .

لا يابه ايام الخير .

#حجي_شعواط باز کردن / نظر دهید

2021-06-04 23:24:41 الله بالخير وليداتي

هاي گبل چم سنه چانت عدنة مناسبة بالبيت وحبوباتي كلهن ملتمات عدنه .. وأنه چان عندي بايسكل قديم دائماً أغسل الزنجيل مالته بنفط
فترست البريج نفط ورحت أجيب السفنجة وأجت وحدة من حبوباتي مستعجلة ومتوازية فأخذت البريج ودخلت للتواليت ركض عبالها ماي !

دقيقتين وطلعت تزحف على ركبها وتصيح ( نار وشبت بيه نار وشبت بيه )
وأسبوع مگابله المبردة وكاعده

كفيلكم الله يبويه ، ظلت ٦ أشهر تضوگ الماي يله تدخل التواليت !

شوفوا شلون العجوز صارلها درس من البريج ، چا شمالكم انتم صارلكم ١٧ سنة نفس البرگان تداورون بيها !!

ولاتصير النه چارة كفيلكم هو العباس .

#حجي_شعواط باز کردن / نظر دهید

2021-06-04 17:08:40 الله يساعدهم العزاز
هاي السالفة والرباط يمكم

رجال بسيط ريفي ، وهو يمشي بالشارع جان يشوف مراية (جامة) وهو بحياته ماشايف مراية..!!!
أول ما باوع بيها شاف صورته،، فعباله هاي صورة أخوه المتوفي من سنوات..!!!
ظل يبچي وينوح وأخذ المراية وياه للبيت وخلاها يم فراشه،
كلما يباوع بيها يشوف صورته عباله أخوه ويظل يبچي..!!
زوجته شكّت بالموضوع، غافلته وهو نايم ،تريد تشوف شنو قصة هاي الصورة…!!
وهي خطية هم عمرها ماشايفة مراية…!
بس باوعت بالمراية شافت صورتها!! يبووووووه
چان تاخذ المراية وراحت تركض لأمها تصيح وتولول وتگول لأمها رجلي يريد ياخذ علية مرة وحاط صورتها جوه المخده
الأماية هم ماچذبت خبر ، باوعت بالمراية وشافت صورتها هيه..!
صاحت على بنتها : (ولچ إشبيچ؟ تسودنتي؟!! هاي بگد بيبيته شلون يعرس عليها …!!
البنيه ما إقتنعت ، فإتفقوا يروحون للشيخ وهو يحل الموضوع ،، الشيخ هم بحياته ماشايف مراية!
دخلن على الشيخ هو وسبحته ولحيته ،، وشرحوله القصة ،، گاللهم الشيخ :
بويه وينها الصورة ؟؟ إنطوه المراية،،
لما باوع وشاف صورته،، وإلا يخرب من الضحك!!
چان يصيح على الأم وبنتها.. (من الله يطيح حظچن يا ناقصات العقل والدين! ولچن هاي صورة الإمام..من صخّم الله وجوهچن! باز کردن / نظر دهید

2021-06-02 22:29:32 الگوة العزاز


هذا زلمة جان وياي بالجيش ايام التسعينات هو سمين ما بي حيل
وبسرعة يندفع
الضابط من تكريت العصريات يضحك عليه يسويه نصبة

يكله انت سبع وانت ماكو منك
روح جيب من ربعك جكاير روح جيب الارزاق مالتهم

هذا يندفع ويجي علينه احنة ربيعتة وياخذ مالاتنا للضابط
بس حتى يكله عفية وانت سبع

تالي الضابط تم نقله لغير مكان وبقة هذا المطي يفر باذانه
ومحد يحترمه ويومية ينهان



الستار الله ياعمي
الرباط يمكم بعد چبدي باز کردن / نظر دهید

2021-06-02 08:56:23 يقول سماحته في كتاب رحلة وطن :
حضوركم كالمطر يروي عطش اشتياقي باز کردن / نظر دهید

2021-06-02 00:18:19 شني بويه ، اكيد اول صفحة
سورة النساء باز کردن / نظر دهید

2021-06-01 22:24:50 الگوة ....

ابني عطاب مساعة جابلي هاي الصورة كلي بوية ذول المعممين شيسوون يم سيارة الجيش


كتلة بوية ذول ب ٢٠١٤ فزعوا لاخوانهم الجنود وسندوهم حتى يحمون الوطن من داعش


بوكت جانت كل البرامج والاعلاميين والاعلاميات مختفين ونص صايرين وي داعش اصلا


صفن ... كال بوية شنو اني جنت بالمظاهرات ٢٠١٩ اسمع هواي ناس تسبهم وتتهمهم

بوية مو كتلك الاعلاميين يشتغلون بفلوسهم وب ٢٠١٤ يحجون على الجيش والمعممين وهسة بس همه اليردون وطن ...


بوية لاينضحك عليك مرتين
ابني

والستار الله ياعمي باز کردن / نظر دهید

2021-06-01 21:11:33 الله يساعدكم بويه
هم عرفتوا هالمغسول البصوره ياهو ؟

انه اگلكم هذا نوير الحمداني شوفوا الله شلون مطيح حظه ..

سبحان الله يبويه ، محد عادى الحشد والله وفقه . باز کردن / نظر دهید