اسيا : دارتب اكل الاطفال للمدرسة وسمعت هيثم يخابر يگله باجر تعال انتظرك سألته منو گلي صديق الي لا تهتمين تعاي يلا انام نمت بحضنه ومن التعب بسرعة نمت فزيت الصبح هو يساعدني بالريوگ ويوكلهم بالرغم همه كبروا
هيثم : يلا يابه راح نتأخر لا اتعبين روحج ولا اطبخين هواي اني اجيب وياي شغلات من اجيبهم من المدرسة
:لا تخاف ما اتعب روحي باسني وطلع قفلت الباب ورجعت اشيل صينيه الريوگ وارتب البيت اقل النص ساعة واندگ الباب باوعت صاحب الشقة القديم لبست حجابي و فتحتله الباب صبح عليه و گلي السيد هيثم وينه گتله طالع جاوبني بأستغراب هو متفق وياي اجي گتله ممكن نسه اذا اكدراساعدك گلي گلي عندي غراض بالمخزن اذا تگدرين تفتحيلي الباب واني اخذهن
::اني من سمعت بالمخزن ظليت ارجف و احس بطني نلوت حاولت ارفض بس خجلت منه بعد ما گلي اني متفق وياكم و ما عندي وقت اجي بعد اخذت المفتاح ونزلت واني بالمصعد ما بقت ايه ما قريتها ما نازله للمخزن ابداََ وولا جابلي طاريه هيثم المخزن يصير بالطابق الاول موزعيهن بأوقات للارقام ولگيت مخزنه باوعتله هو وراي خفت افتح الباب لا يسويلي شي مثل مروان طلبت منه يبتعد من وراي هو لبه النداء بسرعة فتحت الباب كلشي رجع الذاكرتي تصنمت بمكاني اسمعه يگلي ماذا بك مالذي حصل بس اسمع صوته بعيد حسيت بحروره بين افخاذي بس هيه فززتني من صفنتي باوعت ملابسي كلها دم هو تراجع بخطوات....
هيثم :واني بنص الطريق اتذكرت ابو الشقة امس اتصل بيه يريد ياخذ غراضه من المخزن درت السيارة للشقه طرت ادري بيها اذا جبنه طاري المخزن راح تتأذه ما حجيتلها اتصل بامي ما جاوبني و بابا هم وصلت للعماره رأساََ نزلت للمخازن ركضت المخزنة واگفه ترجف وغرگانه بدمها شلتها ع سريع للسيارة وهيه تشهگ من گلبها بس بدون دموع وبس فاتحة عيونها اتصلت برائد يلحگني وصلت للمستشفى ع سريع دخلوها للعملية
اجوي اهلي كلهم ينتظرون وياي وعمي سيف واگف بعيد يبجي هاي الحالة دائماََ تتكرر عنده ما يعرف يتصرف بس يبجي وما يتقرب النه ولا يوصل ويظل ينود يتحرك للأمام و للخلف حضنته وگتله لا تخاف ما بيها شي هسا تسوي العمليه وتطلع هيه وطفلها بسلامه هسا تشوف
سيف : خايف تلحگ امهااا
هيثم : من گال هيج اني اخرسيت همه طول هاي الاشهر يوميا بابا الصبح يدگ الباب عليها ويتلمس جبينها ويطمن عليها وسيف يجيلها يوميا يريد يطمن عليها قلقوني بكلامهم والخوف تسرب الگلبي لگيت روحي راكب سيارتي ورجعت للبيت ادور على سَواري يا علي مدد هذا السوار من يكون يمي قريب احس براحة مو طبيعية دورته الحد ما لگيته واني على تواصل وي رائد طلعت وشفت بيرين
بيرين :شو هاد الي سمعتو
:اي والله
:خدني معك مشان الله
هيثم :طلعنه للمستشفى وانا اندب مولاي علي يا علي مدد يالله بجاه امير المؤمنين الهي احفظها اليي
دخلت للمستشفى يتباجون والدكاتره تتراكض وعمي سيف لازم طفل بأيده سندت ايدي على ظهر بيرين احس ما عندي رجلين اجتلي امي ع سريع گلتلي ادخل ديضربوها صدمات كهربائية دخلتلها وهيه منتهيه ع سدية خليهم ينتلوها خليهم ياخذون گلبي الها خليهم ياخذون روحي الها بس لا تتركني يارب بجاه محمد وال محمد ضربها الاخيره ياالله آسيا استجابت ورجعت نبضات گلبها ع سريع طلعوني
گعدت بالگاع جريت نفس ياالله گتلهم رجع نبضها التمو عليه يبجون وياي انطوني ابني حضنته ودموعي ما راضيات يوگفن جان أتيتم گلب هيثم بس ربي غمره برحمته وعطف على عبده ورزق حبيبته روح حتى آسيا وهيثم يعيشون بيها
:اي والله يوم مومن شافت الوضع خافت و دتطلگ هسا اخذ اولادك للبيت الحد ما امها تجي واجيلهم اني وانت ترجع هنا لا تخاف السستر يهتمون بي
هيثم :ايي يوم حاضر روحي ظليت انتظر يطلعوها ياالله سلمتهم عزيز الزغيرون بستها بعدها ما گاعدة من نومتها خذيت اولادي وطلعت للبيت وكل شوي اوگف السيارة احس نار بصدري بسبب صوت بداخلي يگلي لو ميته استغفر ربي واكمل طريقي...... .......
رائد : متوجعه وتصيح ياا امي جيبولي اميي لازم ايدها واصبر عليها بس هيه متوجعة كلش تباوعلي وتگلي ما بسامحك لو شو مابتعمل
