اوعي تسيب الصلاة ولو عملت الكبائر كلها الصلاة هي اللي هتخلي | قَـرِيـبٌ مِـنْ رَبّـي.."
اوعي تسيب الصلاة ولو عملت الكبائر كلها
الصلاة هي اللي هتخليك تبعدك عن أي ذنوب في حياتك ، وهتغيرك للأحسن ، فـ مهما كنت بتعمل م ذنوب توب وارجع ل ربنا والله هيقبلك ويتوب عليك ويغفرلك ، ارجع انت بس
(قال الله عز وجل أن الصلاة تنهي عن الفحشاء والمنكر)
الصلاة هي مصدر السكينة والطمأنينة والراحة النفسية
الصلاة هي النور اللي هتنورلك طريقك في الدنيا والآخرة وهتنور قبرك وطريقك ع الصراط يوم القيامة
الصلاة هي اول ما يُحاسب عليه المرء يوم القيامة فان صلحت صلح العمل كله وان فسدت فسد العمل كله
توبوا يا جماعه قبل فوات الأوان ، ف ناس دلوقتي ف القبر والله يتمنوا يطلعوا بس يصلوا ركعتين ، انت مش ضامن عمرك ف توب وصلي وارجع لـ ربنا
صلي حتي لو مش حاسس بيها صلي حتي لو مليان ذنوب ومعاصي صلي لو كنت بتعمل كبائر الذنوب
في مرة واحد قال لـ النبي ان في راجل بيصلي بس بيسرق فـ النبي قاله ستنهاه صلاته يومآ ، قال الله عز وجل في القرآن الكريم " إن الصلاة تنهي عن الفحشاء والمنكر "
ولو فاتك أي صلاة قوم صليها دلوقتي ، وخد عهد مع ربنا أنك تواظب عليها بقي
