2021-08-18 02:48:31
ديما نفسي إن القرآن يكون رفيق قلبي إني أكون في اي مكان واردد آياته بدون مغلط وبدون مصحف وبدون فون إني أسمع محفوظي من القرآن وارتلة بسلاسة واكون مدركة كل ايه واكون متقناه اتقان تام ويكون خلقي القرآن
ومن هنا جاتلي الطريقة دي علي الرغم إني لسه بجربها في نفسي وجربت طرق كتير بس الطريقة دي خلصت بيها البقرة ومن سعتها وأنا متقنة سورة البقرة وهبدا اخلص بيها آل عمران الاسبوع ده بس حبيت اشاركم بيها لعلها تنفع مع حد فيكم وتكون سبب في إتقانه للقرآن
الطريقة في البداية صعبة ولكن بعد فتره هتبقي سهلة جدا
_قبل الحفظ لازم نجدد النية ونتوكل علي الله ونعرف إن القرآن وحفظه من اول اسباب سعادة الإنسان في الدنيا والاخره وأننا نجعل القرآن صديق ورفيق لينا
1-قبل لما تحفظ الصفحه أو الوجه العليك هتجيب تفسير الوجه ده بس يكون تفسير بسيط انا بصراحه كندي ماشية بتفسير إبن الكثير والصلابي وهنجيب غريب القرآن ونقرأ منه معاني الكلمات الصعبة الموجوده في الصفحه دي ونفهمها احنا كده فهمنا الوجه ده وعرفنا رسالة ربنا الموجوده لينا في الوجه يعني هنقدر ننفذها في حياتنا
2-هنسمع الصفحه من 5 ل 10مرات من قارئ متقن ونصيحه اسمعوا لشيخ محمود خليل الحصري لأنه متقن جدا في القرأة والتجويد
3-هتسمع الاية الأولي في الوجه 20مرة وانت عينك علي الآية دي بتركيز الأمر في البداية هيبقي صعب بس بعد كده هيبقي سهل جدا والله بعد لما تخلص الآية الأولي في الصفحه هتدخل علي الآية الثانية وهتنفذ فيها نفس العملتوا في الآية الأولي بعد لما تخلص الآية الثانية هتكرر الآية الأولي مع الآية الثانية خمس مرات علشان نربط الآيات لحد لما نخلص الصفحه كلها
4-بعد لما تتأكد انك حفظت الصفحه هتقفل مصحفك ونبدا نسمعها غيابي
5-كده احنا حفظنا الوجه وفهمناه ندخل بقي علي تثبيت الوجه علشان الوجه يثبت هنقفل المصحف نهائي ونسمع الصفحه 40مرة
انا كندي في البداية مقدرتش اقرر الوجه 40مرة فبدأت بصراحه خطوة خطوة يعني بدأت اول يوم 10مرات تاني يوم زودت التكرار بقيت 20 لحد لما وصلت ل40
6-كده فهمنا وحفظنا وثبتنا يجي بقي دور المراجعه والمراجعة مهمه جدا جدا جدا كل يوم هنراجع غيابي كل الحفظناه مثالا انا وصلت اني حفظت 10 أوجه وبكره هبدا 11 قبل لما ابدا الوجه ال 11 اراجع ال 10 أوجه مره غيابي
7-هنصلي بالحفظ بتاعنا كل الفروض والنوافل والسنن
التجربة انا نفذتها علي سورة البقرة ولسه هكملها علي القرآن كامل في البداية هتحس الأمر صعب ولكن حفظ القران اسهل والذ مما نتخيل ويكفي أننا لما نسئل عن عمرنا فيما افنيناه نقول إننا افنيناه في حفظ القرآن
بحبكم في الله
#Nada_ibrahime
#عهدنا_الجنة
https://t.me/PARADISE0986
91 views23:48