اسم الدواء : الاسم العلمي
(فوليك اسيد ، folic acid)
الاسم التجاري ماكو شي ثابت بيه هواي اسماء لذلك اهم شي هو الاسم العلمي
------------
لمن يعطى : اهم استخدام اله هو اعطائه للحامل في الاشهر الثلاث الاولى من الحمل حتى يمنع التشوهات الخلقية في الدماغ والحبل الشوكي
لذلك تشوفون أي امرأة حامل توصفلها الطبيبة فوليك اسيد
ويستخدم ايضاً للذين يعانون من فقر الدم
واكو دراسات دكول الفوليك اسيد يلعب دور كبير بمنع تساقط الشعر
وكذلك دراسات حديثة كالت يسوي زيادة بنسب الحيوانات المنوية
------------
طريقة استخدامه : اكو بيه جرعتين 400mcg و 5mg
كل طبيبة بصراحة توصف الجرعة الي تعجبها للحامل
يعني اغلب الدراسات كالت ال 5mg كلش هواي وممكن تسبب مشاكل لذلك سوو الجرعة 400mcg
المهم أي جرعة تنوخذ حباية وحدة باليوم بعد الاكل
صباحاً
------------
الاعراض الجانبية : انتفاخ البطن ، غازات ، طفح ، حكة ، احمرار طفيف
وهل اعراض نادرة الحدوث
------------
ملاحظة : ممكن تشوفون بعض الطبيبات يوصفن الفوليك اسيد على طول فترة الحمل لسببين
1- اذا شافو اكو خطر محتمل على الجنين
2- اذا كانت المرأة الحامل تأخذ ادوية صرع
