2022-07-20 12:29:25
٭٭٭٭ئـــــــاۆات ٭٭٭٭
سەحـەر هۆربێزی جـاڕێ چڕیابۆ
سـەر کەردەو دزا دەسـش بڕیابۆ
بـت و بـتـخــانـە مـڕیـاو وڕیابۆ
تــۆرەکـەو درۆا شـڕوو دڕیابۆ
زەنگـەو ڕسـوایـی یارۆی زڕیابۆ
سەحەر هۆربێزی شەفەق زریابۆ
پەردەوو تەفرەقەی کەناردریا بۆ
شـەهادەو عشقیت پـەی ئاوریابۆ
بـەمێهـرەبانـی مۆرەش کـریا بۆ
شـاڐی ئامـابـۆ، خـەفـەت بـریا بۆ
سەحەرهۆربێزی نامەوو یاری بەێ
تەسکینِ ئەحواڵ پەیخەمباری بەێ
شەفا پـەی حاڵـو دەردەڐاری بەێ
مەنزوور پەی ماواو ئێنتیزاری بەێ
یا خـوڐا وە نسیب کـول حـازریابۆ
جاڕچی جـاڕکێشۆ بەزوانوو وێما
واچـۆ شەرتەکێ هێزی و پەرێما
تازەش کـەرمێوە وێما پـەی وێما
نـازمـێ ئـاژا ۆلـێ گـنـۆ دلـێـمـا
شەرتێۆە چنیش قەسەم وریا بو
تازەش کـەرمێوە ڕاۆێـژو تـەگبیر
بەبـێ تـەبـعیزو بـێ ڕیاو تـەزویر
ئەریۆ شازاڐەن یۆ بەچکە فەقیر
جە خـاکو ئاۆیـە کریانمێ تەخمیر
پەیمانما، وەسیەت پەی ئاخـریابۆ
بنوسمێ، تَسویف،وەسێن ئتروەس
وێما نەکەرمێ مەحبووسِ قەفەس
هامچەمێ بیمێ، هامدڵو هامدەس
گـۆشێ نەڐەیـمـێ ناحـەزو ناکەس
نەک بـە ئاڵـشتێ گـوڵ پـاشـریابۆ
ئەرچـی ئالـوڐەن هەۆاو هەوێڵی
کەۆتێنمێ حەسرو یاسـاوچەوێڵی
حەیفـەن منووتۆ گئێڵمێ بە وێڵی
سـەرە،نووسنمـێ پـەی فـڕو فێڵی
نازمێ بە خۆدعە گۆشتمـا گریابۆ
سەحەرهۆربێزی بڐیـەی دەوروبەر
بەهەشت دیاربۆ ئیسـەرتا ئەۆسەر
ڕەۆزەی ڕێزوان و چاڵاوی کەۆسەر
گردی وەشێنێ نەچون چەشمیڐەر
پەی ئـەویـنـداریـە ژیـرو وریابۆ
ماچوو بهەشتوکەۆسەرم پەیچێش
هەزاران جارێ کـەردەنم خواهێش
ئاۆاتەودڵیم، وێم وەنەن پەی وێش
بڐۆم سورەگوڵ پەی خاتمەی ئێش
وەڵ چانەی جەسەم نەخاک نریابۆ
(بچووک)
https://t.me/photochashmidar
2.6K views09:29