#ضوابط_النقل #التوضيح بطريقة السين والجيم مال تحقيقات جاوبن | شؤون الطلبة / النقل والاستضافة

#ضوابط_النقل
#التوضيح بطريقة السين والجيم مال تحقيقات

جاوبنا ع كل أسئلتكم بهالمنشور

استمارة النقل تنفتح يوم ٨/١٥ وتنسد يوم ١٠/٣

#منو اللي يحقله ينتقل؟

ج/الطلاب الناجحين سواء دور اول او دور ثاني (وحسب الطاقة الاستيعابية للكلية المنتقل الها )

#س/ اني طالب دور ثاني شوكت ابلش باجراءات النقل
ج/ هم تبلش يوم ٨/١٥ حالك حال ابو الدور الاول
____________________________
س/يصير النقل يكون بين جامعات المحافظة الوحدة
او الكليات المتناظرة ضمن نفس الجامعة اللي چنت بيها؟
ج/ نعم يصير بإستثناء جامعات بغداد
__________________________
س/اني اداوم صباحي يصير انتقل للمسائي؟
ج/ بوية يصير بس انقل
________________
س/ السنين المنتهية يصير نقل؟
ج/ لع ميصير اكعد واسكت هي سنة وحدة خلصها شلون مچان واتخرج
_______________
م/بس ترى اكو استثناء لطلبة الاستضافة سنتين او اكثر انهُ ينتقلون بالسنة المنتهية

وايضاً طلاب المعاهد(الامر يرجع لصلاحية الكلية بنقلكم)
يعني يصير
_________________________
س/اني طالب بإحدى الجامعات التابعة للوقف(الشيعي او السني) يصير نقل؟
ج/لا ميصير
___________________________________
س/ چا واذا رسبت ميصير انقل؟
ج/ الكلية الها صلاحية تقبل بنقلك او لا
____________________
س/يصير اصير طاگ وانتقل من الكلية الأدنى للاعلى؟
ج/اي يصير بس كون طالع من الاوائل على قسمك ويتقدير جيد جدا يعني سچاچ
_______________________________
س/يصير اتواضع وانتقل من الكلية الأعلى للأدنى ؟
ج/اي يصير بس لازم ماباقي بكليتك اكثر من سنتين(سواء رسوب او نجاح)
__________________
س/يصير نقل من الكلية الى المعاهد الحدودها ادنى؟
ج/يصير وسنتين وتتخرج
____________________________
س/اني اهلي يصير انتقل للحكومي؟
ج/يصير بس كون فول سچاج بالمرحلة الاولى طالع اول ع القسم وتقديرك جيد جدا
_______________
س/اني اهلي يصير انتقل للمسائي الحكومي؟
ج/هم يصير بس لازم ناجح من الاولى للثانية بتقدير جيد جدا
____________________________
س/اخر سؤال ولو تعبناكم
اني حكومي يصير انتقل للأهلي ؟
ج/يصير عادي بس كون ناجح من الاولى للثانية
__________________________
ملاحظة جدا مهمة /من تريدون تنتقلون لازم تراعون الكلية المتنقلين الها تكون نفس نظام كليتكم المنقولين منها
يعني:
نظام فصلي=نظام فصلي
نظام كورسات=نظام كورسات

https://t.me/qamer44