#الرابع عشر عوفي مروان اطلكي . منه متعبج رهف اني احبج ان | عمر

#الرابع عشر

عوفي مروان اطلكي . منه
متعبج
رهف
اني احبج

اني مصدومه من كلام خالد سكتتت...
رهف وين تسمعيني ...

كتله خالد
متشوف نفسك فاهمني غلط
ومستعجل..والكلام مو بمحله ..

اني مادور حب وغرام وعشق..
اني متزوجه وعندي بيت وعائلة
مهما يكون الي بيني وبينك
والكلام الي جمعنه
بس مو هذا قصدي وياك ابد
للحظات كنت سند الي حسيت بيك تحس بيه
وشكرتك لان داخل نفسي اتغيرت
داخليا انبنى الي كيان
كمت احب كل شي حواليه ..

اني اريد شخص يبنيلي كيان يسمعني يعلمني شسوي

خالد / رهف بفترة غايبج جنت انتظرج يوميه
وكل رنه فون اظن انتي
وكل فتحه باب اكول انتي
هو شلون يصير الخب والتعلق
اني اسف اعرف كلامي مو بمحله واعرف نفسي
استعجلت ونطقتها
بس مو بيدي
اني اريد منج حل جذري
عوفي مروان
عوفي مو شرط اني عوفي لخاطر نفسج
كتله
خالد ماكدر اني مزوجه وعندي اولاد
شلون هيج اسوي..ماكدر اهدم البيت كله
هي هاي حياتي وتستمر شلون عاشو اهلي اعيش
اتعلمت ..
رهف... ارجوج اسمعيني ماكدر بلياج ماكدر اخسرج انتي النسمه لبارده لي ملت صدري انتي الكائن اللطيف الي ابتسم من اشوفه وارتاح

خالد ..ياريت تنسى كل كلام الي كلته اترجاك
اني الي بيه كافي وزايد ...

فكري رهف ورجعيلي جواب...

اني هنا صديق وسند ما اعوفج وحدج ..

بالحالتين ماستغني عنج ..
كتله
ممكن سؤال
ايي تفضلي
ليش كتلي اعوف اسماء
ترة انت متعرفها
قاطع كلامي ..

لامنو كال ماعرفها..

هنا تفاجئت ...
منين تعرفها شنو علاقتك بيها
باعي رهف اني اشتغل..بهاي المنطقه ..
وسابقا جنت اسكن هنا اعرف الكل ..
واعرف الزين والموزين ..

واسماء اكثر من مره تجي ويا رياجيل هنا ولبسها فاضح والضحك والسوالف وكل شي عدها عادي لا حسيب ولا رقيب
ماريدج تختلطين بيها ماريد دنس برائتج بسوالفها...
هنا نفس مجتمعنه واتعس هنا الحجايه اجلب بالواحد لان الاغلب مريش وفارغ
هيج هاي هيج وذيج ..
عليمن جايبه لروحج الحجي وانتي مو مثلها

كتله خالد اني موصغيره وانجرف وراها
كال
لاصغيره اصلا هاي ٣٠ سنه هيج
لو اذبج بمكان متعرفين احد بي تبجين ..

ضحكت كتله لاجبيره وعندي اولاد
ايي بس تبقين طفله..

سكتت
كال رهف شبيج. اسمعي كلامي بيوم الي اجرج للغلط
كولي انت غلط.

خالد.. اني خايفه..

منين خايفه....

من ميلاد اخت مروان...

شافتك اخر مره من لزمت ايدي...
وانت تصرفك مو صح ..ليش هيج حرجتني

كال من ايدج طالعه ويا سيمو ..
ومطلعه نص كذلتج ..






نكري لاتخليها تستغلج رهف
كوني قويه هنا الحق ويا المرأه

مادري خالد خايفه حيل اخاف تكول لمروان ومروان يرجعني لاهلي ويكولهن والله يخزوني.

مادري خالد خايفه حيل....

رهف لااتضعفين وتخليها تلزمها عليج...

كسري عينها ماكو شي يثبت انتي جنتي بره وهي شافتج
نكري واذا حجت كوليله تتبلى عليه
لان ماردت اداري امك طبي بعينهم

اوف خالد..الكلام سهل ...

رهف لخاطري صيري قويه..
لا تخافين واي شي يصير اتصلي بيه اني اجي والله شبيج اكولهم اي شي اضيعها ..

تمام يله خالد راح انزل لاتراسلني
تمام
باي
باي

نزلت واهسي مكسور وفكر بكلامه صحيح ماكو دليل هي شافتني واذا حجت اكول الي كاله
خالد..
ليش اخاف ..

نزلت سويت تبسي وتمن .. وفكري مشتت ..
دخلت ع عمتي ..
المعينه مبدله العمتي
ونظفت البيت لان ممنظفته تركته..
كملت كل شي ورحت اسبح
احلى مكان هنا هدوء واكدر افكر ويا نفسي

كاعده بالبانيو افكر...

اني ليش هيج ياربي ليش مالي حظ بشي...

معقولة يحبني ...
ليش كال احبج .

لو يلعب عليه ..

زين اني ليش ابقى احجي وياه المفروض ..اصدة ..

ليش انطيته مجال ..
ليش اتجاوبت وياه ..وليش بدل ما اصدة ..حجيت اله عن ميلاد وليش وليش .

وطلعت نشفت وبدلت
اجوي مروان والاولاد تغدو ومروان
نام... والاولاد بغرفتهم واني جوة يم عمتي الي ساعه تسبني وساعه تدعي عليه ..

راسلتني اسماء
هلو رهف
هلو حياتي
وينج مختفيه
مريضه عمري
اسم الله شو ماكلتي
اقلها اجي ازورج
كتلها لاهيج خفيفه وتحسنت
ماريد احجيلها شي
كالت نلتقي
كتلها باجر الصبح بالصالون

كعدت سويت ريوك كالعاده روتين اليومي
طلع مروان وطلعو الاولاد
والمعينه معتنيه بعمتي
كتلها طالعه امشي ساعه واجي اخاف احك يجي كولي طلعت تمشي.

عفتها بدون ماسمع رد....

رحت اخذت تكسي للصالون راسلت اسماء
هلو حبي
اني بطريقي للصالون...

ردت هلو رهوف تمام حياتي جايه....

سديته وصلت للصالون وطبيت ا
ستقبلتني نفس لبنيه
وكالت اهلين مدام شو هالغيبه...

صارلك كتير مو مبينه...

كتلها حياتي كنت مريضه
كالت مشافايه حبيبتي

شو بتحبي اعملك...

بهل اثناءجتي اسماء...

سلمت عليها
ولج وينج انتي ماكو مختفيه






اراسلج متردين.

صدكيني كنت فلاونزه ومابيه ارفع ايدي