بقى يباوع عليه رهف شصاير ..اهلي سوالج شي كتله لا لا .اني الي بيه .. شبيج يمعودة دحجي ورايه دوام .. يعني لو اخليج تفرفرين وحدج لو تبجين رهف .. انوب علينه اسماء لو اروح لو اون لعد اني شكول .. الشفتات مال دوام هادة حيلي ..ارجع ساعه ارتاح واطلع .. كل كلمه ردت اكولها غصيت بيها واختنكت .. ماعرف بعد شكول كال دتعالي اعوضج حنان مال اسبوع .. اني هم محتاجج ..ولج لا تبجين .. ديلا شوفي الجهال نامو وقفلي الباب وتعالي .. بقيت اباوع عليه .. عفته ونزلت .. هاي القوة الي افتعلتها بثواني انهدت اني داخلي مريض لازم اتعالج مداعرف شسوي او المن اروح .. المفروض اتغير اني احاول عسا ولعل هذا الشي ينفع لان ماكو مهرب منهم لو وين اروح ارجع لهنا. ليش اقاوم وليش اعيش احلام مو الي اكو شي يمنعني .. بداخلي قبل الكل مروان تبنجت منه اتعلمت ميفرق الخلل داخلي داخلي اظلم .. نزلت جوة اظلم نفس روحي .. كعدت بالمطبخ .. اجاني مسج رهف ليش متجاوبين وينج .. شنو الي بدر مني ..اريد افهم اكو شي بيج . اترجاج جاوبي. كملت قراءة و حذفت المسج ... رجع دز ..شبيج احس بيج والله اكو شي .. بقيت اباوع ع الجهاز. الظلام الي بداخلي نور نور خافت مابين اريد اكوله كل شي بيه ..والي شفته او مو من حقي احجي وبين لا ..ما احجي وياه اعتبرة تجربه وانتهت رجع دز جاوبي والله اجي يم بابكم شبيج .. اخذت التليفون .. وصعدت فوك . اسمع مروان يشخر .. دز من جديد نصيت الإضاءة جاوبت خالد شبيك كال ..خرب بروح خالد اضتعلو اهله واحد واحد وينج كتله ..موجودة بين رجلي واولادي .. كال ..اهااااا الله يديمكم.. رجع كتب .. شكو رهف .. جاوبي شنو الي صار وين مختفيه عني كتله بعدين اكولك. كتب انتظرج .. سديته منه .. فكرت بخالد و الكلام والسؤال اسمع سمفونية شخير مروان.. واني اتكلب دمعت عيني على حياتي الضايعة.. و بعثرة سنيني حتى الاولاد ميحترموني... شعور انكساراتي المتتالية و افكار تراودني بين تجربة مشاعر احاسيس مفقودة ويا خالد اتكلب و ما نمت. افكر بقرار رجعت لزمت الندفون وراسلته ـ شوكت اشوفك ... شوي تحولت الاشارة قراءة زرق دز اسمايل قلب بكيفج هسة حاضر ـ رهف مكدر انام محتاجج احبج مو بيدي شسوي . ـ اني هم سهرانة افكر بيك.. دز صوت كتبت ـ لا ماكدر افتحها. ارسل بس.. ـ تمام.. بس كتلج احبج و اتمنى لو شفايفي تزور كل تفاصيلج حتى ادق التفاصيل. . وللحكاية بقية 179 views17:11
