آدرس کانال:
دسته بندی ها:
دستهبندی نشده
زبان: فارسی
مشترکین:
11.67K
توضیحات از کانال
المايحبك روحــــــــه ميته
تنطي كلشي وكلشي سكته
Ratings & Reviews
Reviews can be left only by registered users. All reviews are moderated by admins.
5 stars
0
4 stars
1
3 stars
1
2 stars
0
1 stars
0
آخرین پیام ها 5
2023-03-31 14:44:15
98 views11:44
2023-03-31 14:43:36
119 views11:43
2023-03-27 01:25:07
فاطمه الام الحنونه خادم اتسولف عيونه
مارأيت الا جميلا
ويســـــألوني علـى ايامي واگلهم احله شي عـندي
السنه تبدي وانه ابجرحي وعلى حب فاطمه اتعدي
اود اوياها اتــــــــم عمري وغير الخــــــدمه ماودي
بحرنه ابمــــــركب الزهره وحزنهه ابكل كلب يحدي
حزن دايـــم سنه وسنـــتين
جرح شايب على ام حسين
دمـــــع زايد ادير العــــــين
فاطمه الحنونه
مارأيت الا جميلا
واذا دارت سنه اعليـــنه سنه اتروح وتجي عشره
العمر من يكبر اشيــسوه اذا مـــــو فاطمه اتكـبره
مثل ماتطلب الـــــــوادم طلبت امن الله عالفطره
اذا مكتوب اضـل عايش اضل اشتم هـوى الزهره
اضل اشهگ لحد مــاموت
واشمــــنهه ورا الـــتابوت
واناديــــهه ييمه ابصوت
فاطمه الحنونه
مارأيت الا جميلا
الارض بيهه الشمس والفي وبيهه اليابسـه وخضره
وبيهه الـــــــــعايش ابعالم وبيهه عــــــــالم الزهره
تمد ايديــــــــــــهه للضايع وتلوح المــــيت ابگبره
كساء وكلمــــــــــن ايطبله يشوف الوادم ابصحره
خذت بيـــدي وعفت دنياي
چنت صحره ولگيت افياي
عطش گلبي وعطفها الماي
فاطمه الحنونه
مارأيت الا جميلا
اذل روحي الـــعزيزه الهه كمال الخـــــدمه بالذله
البشر مايعله مــــن اسمه اذا مو بالبــــخت يعله
انه عد فاطمه امـــــــقدر بعد ماريـــــــدن اتعله
افشل گلبــــــــي وي كلهه بس وياهــــــا مافشله
جمر قابـــض ترا اليهواچ
اضل يقـضه وانام الگاچ
يسبــــــحانه الذي سواچ
فاطمه الحنونه
مارأيت الا جميلا
ديانه الدمعه مــــــن تنزل وعباده الغورگت عـينه
المجالس للعقل صــــحوه وحياة الزهره تنطـــينه
اكو ايگــول اشكثر ماتت؟ واكو استكثر بواچـينه
يمولاتي الدرى ابضيـــمچ حرام ايـــــبطل اونينه
حرام اتجـــف عليج اعيـــون
وحرام انــــرد على اليحچون
الدمع يحچي ويسولف كون
فاطمه الحنونه
مارأيت الا جميلا
خادم القصيده
شاكر الصيمري
1.4K views22:25
2023-03-27 01:24:31
1.4K views22:24
2023-03-27 01:24:15
1.4K views22:24
2023-03-27 01:23:43
1.4K views22:23
2022-08-03 14:11:46
المشتكى لصاحب الزمان عن ماجرى ويجري في كل عام عندما يهل هلال شهر المصائب…
عمه الهضم ماينــــــــــــگال
شبدي وشســــــولف ياحال
كلما يهل شـــــــــــهر الموت
انصبح ابوجـــــــــــه احبال
الحگ يمهدي ويلاه
عمه الحچي ابگلبي اهواي
باچر خـــــــــدرنه ابلا راي
من كربله انشــوف الضيم
باچر يعز حــــــــــته الماي
الحگ يمهدي ويلاه
احچيلك المـــــــــــامعقول
ندري الحرب بيـــهه اكتول
بس ماتصـــير اويه حسين
من تسحگ ابصدره اخيول
الحگ يمهدي ويلاه
باچر ضمه وحــــرگ اخيام
واشبچ اديـــــــه اعله الهام
واسمع حچي ايطلع الروح
ديــــــــــرن وجهچن للشام
الحگ يمهدي ويلاه
عمه اليهد كــــــــون ابناس
عركه وتريــــــد الهه انفاس
بيـــــــــمن يهد گلي حسين
وكسرولــــــه ضهره ابعباس
الحگ يمهدي ويلاه
كل شده وانگـــــــول اتهون
كتلو زلمـــــــــــــنه ويسبون
بس الهضمني بـــــــــالسوگ
باچر يفــــــــــــرون ام عون
الحگ يمهدي ويلاه
خادم القصيده
شاكر الصيمري
1.8K views11:11
2022-08-03 14:09:39
1.7K views11:09
2022-07-22 19:34:18
لمولاتي حميده بنت مسلم عليهم السلام
مشه وانه اتحـيرت
الله يدري اتعــذبت
وي ابوي اتفارگــت
هذا حالي
يبّس خضاري واگصر نهاري
وذاب العمر
والد حميده الشايلني بيده
شاله الگـبر
بالرساله اسمعت كــــــاتب بيهه
بلغو بنتي ســــــــــلامي اعليهه
صافنه وما ادري روحي شبيهه
ابچي ابوي الـــــراح لو ابچيهه
يوم عــــنه اتبلغت
الله يدري اتعذبت
وي ابوي اتفارگت
هذا حالي
مكتوب اجاني جرحك لفاني
ماينــــلضم
حزنك خذاني بعدك شتاني
غير الهــضم
ساعة الگــــــــالولي طاح الغالي
تيهت دربي وتبـــــــعت اخيالي
چنت اتاني اترد تعيــن احوالي
ليش مكتـــــوبك رجعلي خالي
كلشي منك ماشفت
الله يــدري اتعذبت
وي ابـــــو اتفارگت
هذا حالي
يتّم حياتي وعجّل مماتي
فگد الابو
يفرغ مچانه وافگد حنانه
الكله دفو
بويه كلشي ايهــون اله اغيابك
يلچـــــم بگلبي يضـل اصوابك
جايب المــــوت الخبر ماجابك
بين اعليه وكســـرني امصابك
يقسي وياي الوكــت
الله يـــدري اتعذبت
وي ابو اتفـــــارگت
هذا حالي
اول غريبــه وازغر مصــيبه
اتطب كربله
كاسرلي خاطر امشي واكابر
بالقافـــــــله
چني ام اسنين مــــــــوش ازغيره
ارسوم وجهي اتگول عني اچبيره
راح اطـــــــــب الكربله ابيا حيره
واليتم بايــــــــــــــن علي تعبيره
ضيعت الضايع ضعت
الله يـــــدري اتعذبـت
وي ابــــــوي اتفارگت
هذا حالي
باچــــــر ورانه يكبر ضمانه
اه يالعـطش
اسمع حچيهن محد يجيهن
ليل اهدعش
زينب العمه اشكثر مـــــــــالومه
شلون باچـــــــــر لو اهلهه نومه
ضهر عاشر مـــــــن يحل ابيومه
بويه وين انطي الوجه بالحومه
بيك افزّع لو طحت
الله يدري اتعـــذبت
وي ابوي اتفارگـــت
هذا حالي
خادم القصيده
شاكر الصيمري
6.8K views16:34
2022-07-22 19:33:05
رد الحسين اينــادي ياليلى الاكبر طاح
اول ولــــــد بولادي ياليلى الاكبر طاح
فاگـــد شبيه الهادي ياليلى الاكبر طاح
جبته اعله ظهري
وبطــولي كسري
طايحلــي عمري
دمه اعله شيبي اتطشر
بالحــــومه شلته وافتر
اه يامصــــــــاب الاكبر
لمّن لحگته ابطوله اســـــــمع شهگته
طاح امن اديه وحيـــــــراني بشيلته
مره امشي ووگف مره امسح جبهته
يم الخيم لاگـــــــيني ياليلى الاكبر طاح
شيلي الولد عينــيني ياليلى الاكبر طاح
ماشوف دربي بعيني ياليلى الاكبر طاح
متگـطع اوصال
والحاله ياحـال
مابيه كتر ضال
باول نهار العـــــــــاشر
استعجل عليه الحـافر
بوليدي مدري شكاسر
ساحگ حبيبي وكلشي بعضامي انسحگ
ومنين الزمه وصــــــدره ابضهره انطبگ
ماضل جرح بحرورة الگــــــــاع احترگ
غمضيهه بيــدچ عينه ياليلى الاكبر طاح
صوته انگـطع وونينه ياليلى الاكبر طاح
وين البواچــي ووينه ياليلى الاكبر طاح
مابيه عالنــــــــوح
ولا عايز اجـــروح
جبت ابني مذبوح
ضمي الدمــــــع بالشيله
تاذيني مـــــــــن تبچيله
راح الــــــــــــوالد ياليله
وكت البواچـــــــــــــي مو وكتهه ابكربله
اول مصيبه ومــــــــــــــاهي اخر معضله
ساعه وتصير ابلــــــــــــــيه والي العايله
من طاح ابني الهــيبه ياليلى الاكبر طاح
انترس وجهي ابشيبه ياليلى الاكبر طاح
الماي الك شيجيـــــبه ياليلى الاكبر طاح
اگـــــعد يضنواي
يوليــــدي ياماي
ماجبتـــــه وياي
امنين اجيـــــــب الجربه
ولساني صــــــاير خشبه
ضاع الفرات وعـــــــذبه
ماي الشريعه اعلينه هاليـــــــــــوم انمنع
ياخذ عزيز وياخــــــــــــــــذ اوياه الفزع
اشتدت عليه وبين اعليـــــــــــــه الوجع
مو الك بويه النــــــومه ياليلى الاكبر طاح
شمسويه بيك الحـومه ياليلى الاكبر طاح
سحكت الخيل ارسومه ياليلى الاكبر طاح
چم طعنه مطعون
فوگك يهوســــون
يابعد العــــــــيون
فحطانه روحي وجيتك
من الزلم لميــــــــــــتك
بويه علـــــــــي ناديتك
طلعته دامي وفاتـــــــــــــــح عيونه الي
موقف ذبحني وگتله يابـــــــــــويه علي
چنه يگلي الطف يخلص كـــــــــــل هلي
خادم القصيده
شاكر الصيمري
6.0K views16:33
ش
