#ملاحظات للصوت القلبي التالت و الرابع شفنا انو الصوت القلب | QRS Team Med Tishreen 2026
#ملاحظات للصوت القلبي التالت و الرابع شفنا انو الصوت القلبي التالت بينتج عن التمدد السريع للبطين طيب شو يعني ؟ منعرف انو لما الاذينات بتكون ممتلئة و البطينات فارغة لما بتنفتح الدسامات رح يندفع الدم بقوة و بسرعة للبطينات لهيك قلنا #تمدد_سريع للبطين ، و الصوت نتج عن ارتطام الدم بجدران البطين و رح يمتلئ البطين و ينتفخ لانو مطاوع و هالشي منشوف عند مين ؟ - عند الأطفال و الرياضيين و الاعمار الأقل من ٤٠ سنة لكن ليش هو مرضي بعد عمر الاربعين؟ - لانو بعد الاربعين و التقدم بالعمر رح تنخفض مرونة البطين ف ماعد فيه يتحمل كمية الدم الكبيرة يلي جاية عليه . هاد الحكي كمان رح نشوفو بالصوت #الرابع يلي هو عطول #مرضي بس شو يعني قصور القلب الضخامي و زيادة سماكة العضلة على حساب اللمعة و شو دخلون بظهور الصوت ؟ عند التقدم بالعمر بتزداد سماكة جدران البطين و بتتصلب الشرايين نتيجة انخفاض كمية الألياف المرنة الموجودة بالشرايين -> الشريان فقد مرونتو -> بتزداد المقاومة لمرور الدم فيه -> بيرتفع الضغط الشرياني بس!! نحنا منعرف انو شرط مرور الدم من البطين للشريان الموافق انو لازم يكون ضغط البطين أعلى من ضغط الشريان ،،،،،، بس هون عنا ارتفاع بضغط الشريان لهيك البطين المسكين البريء رح يحتاج جهد عضلي اكتر لحتى يدفع الدم الجاية عليه من الاذين للشريان الموافق و يا خطيتو هون رح تزداد سماكة جدرانو ع حساب مين ؟؟ ع حساب اللمعة طيب شو ؟؟ هيك رح يقل حجم جوف القلب الداخلي( لانو اللمعة صغرت تخيلوها) لهيييييك قلنا انو هالبطين المسكين مارح يتحمل كمية الدم الجاية عليه من الاذين و رح يرتطم الدم كمان بجدرانو بسبب صغر اللمعة .. و بينتج الصوت الرابع
