#الفيزيولوجيا_السوية_والمرضية1 #تجميعات #النفخات_القلبية الجمي | QRS Team Med Tishreen 2026
#الفيزيولوجيا_السوية_والمرضية1 #تجميعات #النفخات_القلبية الجميلة ركزوا و افهموا منيح و لا تبصموا هي الفقرة اول شي النفخة هيي حالة مرضية للدسامات( قصور او تضيق ) تمام ؟ منسمع صوتا لان الدم رح يمر بممر ضيق كتير غير الحالة الطبيعية. نحنا منعرف انو الدم بالقلب بيمر من مكان اول ل مكان تاني عبر الدسامات مو ؟؟ و لما بيمر الدم لازم تنفتح الدسامات و ترجع تتسكر مو ؟؟ لما الدم بدو يمر من مكان اول لمكان تاني رح يجي لعند الدسام و الدسام لازم ينفتح ، طيب اذا ما انفتح مزبوط شو بيصير؟ ● رح يمر الدم بمكان اضيق من المرور الطبيعي، يعني صار عنا نفخة شو نوعا ؟ -> نفخة #تضيق الدسام حالة تانية، الدم مر من مكان لمكان و خلص و مشي الحال ، لازم هون يتسكر الدسام مو ؟؟ طيب اذا ما تسكر شو ؟؟ صار عنا نفخة #قصور دسام هاد الحكي فوق بشكل عام و هلأ رح نحكي أمثلة
نفخة تضيق الدسام التاجي ( و مثلث الشرف كمان) اول شي الدسامين هدول بين اذين و بطين تمام ؟ الدم رح يمر بممر ضيق من الاذين للبطين بسبب تضيق الدسام لهيك مارح يوصل دم كافي للبطين -> مارح يمتلي البطين كلو و رح يضل بحالة استرخاء و انبساط ---> #نفخة_انبساطية
نفخة تضيق الدسامين الرئوي و الابهر : هدول الدسامين بين بطين و شريان، الدسام متضيق لهيك ما رح ينتقل الدم من البطين للشريان، لهيك رح يضل البطين ممتلي بحالة انقباض و لهيك نوعا #نفخة_انقباضية .
نفخة قصور الدسامين مثلث الشرف و التاجي: الدم مر من الاذين للبطين و مشي الحال، بس الدسام ما تسكر، لهيك رح يرجع يمر الدم شوي بممر ضيق لفوق و نسمع صوت نفخة ، بس البطين ممتلي و بحالة انقباض ---> نفخة #انقباضية
نفخة قصور الدسامين الابهري و الرئوي: الدم مر و مشي الحال من البطين للشريان ، تفرغ البطين و صار بحالة انبساط ، الدسام ما تسكر لانو فيه قصور ، و البطين بحالة انبساط ----> نفخة #انبساطية
