#التقرير_الأسبوعي يعني والله احترنا نقول صباح الخير ولا صباح | QRS Team Med Tishreen 2026
#التقرير_الأسبوعي
يعني والله احترنا نقول صباح الخير ولا صباح التراكم تعال يا دكتور اعمل overview لكلشي اخدتو هالاسبوع وشوف شو ناطرك من تراكم
الكيمياء الحيوية:
يوم الأحد افتتح الدكتور #عماد_خياط قسمه بمحاضرة الفيتامينات الي اتضمنت: أنواع الفيتامينات وأهميتها دور الفيتامينات في التفاعلات الكيميائية
أعطى الدكتور عماد محاضرة ثانية يوم التلاتا بعنوان القسم المرضي للأنزيمات وحكي اضافات حلوة متل طريقة سحب الدم.
كلشي مطلوب بالقسم رح يكون موجود بملاحق شاملة انشالله،رح ينزلوا قريبا
المصطلحات الطبية:
أعطى الدكتور #يوسف_زريق محاضرة الجهاز التنفسي. نزل هالاسبوع المحاضرة التالتة بالمصطلحات بعنوان الاختصارات الطبية...
علم النفس السلوكي:
أكمل الدكتور #فؤاد_صبيرة بمحاضرة النظريات المفسرة للسلوك والاسبوع الجاي رح يبدأ بمحاضرة الاضطرابات النفسية.
الثقافة:
اعطى الدكتور #بسام_فضة محاضرة بتتضمن: التيارات والأحزاب السياسية حزب البعث العربي الاشتراكي تذكرة بالوحدة السورية المصرية الدكتور بحب الحضور يجماعة حاولو احضرو
اللغة العربية:
أعطى الدكتور #آصف_دريباتي المحاضرة الرابعة وكانت متضمنة: النداء والقسم. قصيدة. نزل اول محاضرتين عربي شاملين 100%.
التشريح:
أكمل الدكتور #علي_حسن ناحية الفخذ الأمامية والأنسية.
ابتدأ الدكتور #بشر_شميس بمحاضرة الساعد وما انتهت ...رح نكفي فيها الاسبوع اللي جاي. محاضرة الذراع جهزت ونزلت برضو( كفاية تراكم)
النسج: الخميس بلشت الدكتورة #غصون_حمود بالنسيج الدموي اللي كان محذوف السنة الماضية ورجع هلا ع حظنا (لا تبكي يا صديقي )
غالبا لسا محاضرة وبيخلص النسيج الدموي.
بالنسبة للعملي: الدكتورة بتحب هيي اللي تشرح لكل الفئات لهيك ح يصير عملي النسج الكتروني عبارة عن فيديوهات لكل جلسة وح يكون في وظيفة سهلة ...
النيرد اللي بحب يشوف المحضرات فيه يروح عالمخبر ولكن هالشي مو اجباري
