جهزنالكن اليوم ملحق عملي بيولوجيا الخلية وملحق الصور الخاص بالامتحان العملي
الملحق بيحتوي على كامل الجلسات المطلوبة على شكل أسئلة وأجوبة لحتى تكون دراستكن شبيهة بنمط المذاكرة والأسئلة اللي بتجيكن.
اللي بيجيكن بالعملي هو اسئلة نظرية متعلقة بمواضيع الجلسات + صور بينطلب منكن تحديد نوع الصورة وشو محتوياتا وممكن ينطلب منكن تحديد مسميات عالصورة
اعتمدنا بشغل ملحقنا على الشمولية لحتى أي سؤال بيجي يكون موجود بدون أي نقص، وفصلنا الصور بملحق صور خاص بيحتوي كامل الصور الموجودة بالسلايدات بطريقة مرتبة بشكل مناسب للدراسة
بنهاية الملحق ضفنالكن 4 #نماذج_امتحانية من الأسئلة السابقة لحتى تتعرفوا على نمط أسئلة الدكتورة والشي اللي ممكن تجيبوا بالأسئلة
كل اللي عليكن هو دراسة هالملحق بشكل منيح مع دراسة ملحق الصور و انشالله رح تكون علاماتكن كتير عالية
#ملاحظات_هامة
بما انو نمط الأسئلة تحريري (يعني ما أتمتة) لازم تدرسوا بشكل مركز وتحفظوا المعلومات اللي بالملحق.. ما بتكفي الدراسة عالحاضر لمرة أو مرتين كتير كتير مهم تحافظوا على هدوئكن خلال الامتحان لأنو هاد الشي رح يرفع من علامتكن بدون ما تنتبهوا.. الدكتورة إذا شافت الفئة عم تضج وتعمل مشاكل بتلغي أي مساعدة ممكن تقدملكن ياها بالعلامات.. بينما إذا شافت فئة ملتزمة وهادية بتساعدن حتى لو الحل تبعن فيه شوية مشاكل بخصوص الرسم: السنة قبل الماضية كان الطلاب مطالبين برسم بعض الرسومات ضمن الامتحان، مثلاً رسم خلية بدائية النوى أو رسم صانعة خضراء.. هاد الشي التغى بالسنة الماضية وما طالبت الدكتورة برسم أي شي.. (بس جابت صور والمطلوب هو معرفة الصورة) بالنسبة لدفعتكن غالبا ما في رسم بس تأكدو من الموضوع مشان إذا مطالبين بالرسم تحضروا حالكن
ملحق الصور متوافر ورقيا بمكتبة سقراط والكترونياً على قناتنا عالتلغرام https://t.me/QRSBiology
للأسف ما رح ننزل ملحق سؤال وجواب على قناتنا عالتلغرام والسبب هو التهجم غير المبرر اللي تعرضنالو بعد نشر ملحق مذاكرة الكيميا إلكترونياً.. من قبل بعض (معيدين) بدرسوا عملي مادة الكيميا علماً انو المحتوى شامل وزيادة.. بس يبدو انو هالمعيدين كانو حابين يستفيدو من مكانون بدال ما يقدمو المعلومات والملفات مجاناً للطلاب وطبعاً هاد حقكون عليهون.. ولما نزلنا نحنا بالكيميا شروحات مجانية وملحق إلكتروني مجاني لو بهمون مصلحة الطلاب المفروض ينبسطو من مجهود ناس عم تستهلك وقتا لتعمل شي يفيد الطلاب من ملفات وشروحات ومجاناً، بس يبدو انو انزعجو وتهجمو علينا فوقها بشكل غير مبرر..
ولهاد السبب ولتجنب أي مشكلة قادمة قررنا انو شغل العملي يتواجد ورقياً فقط بأسعار مناسبة جداً للطلاب..
بكل الاحوال ما ضل غير اتمنالكن التوفيق دائما وانشالله بتكون علاماتكن كلا عالية
