في انجازات كتير ممكن تعمليها كامرأة بعد برّك لأهلِك، بس مفيش ا | "القرآن " ♥☘️
في انجازات كتير ممكن تعمليها كامرأة بعد برّك لأهلِك، بس مفيش انجاز اكبر ولا أهم من انك تقومي بدورك كزوجة وتحبي زوجك وتخدميه وتسمعي كلامه ويتبسط لما بس يبصلك، وانك تقومي بدورك كأم وتبقي صوت القلب الدافي وتدي طاقتك لأطفالك وتهتمي بيهم وبدينهم وصلاتهم ودراستهم وأكلهم وشربهم
في انجازات كتير ممكن تعملها كراجل بعد برّك لأهلك، بس مفيش انجاز اكبر ولا أهم من انك تقوم بدورك كزوج وتحب زوجتك وتحن عليها وتاخد بالك منها قدر امكانك، وانك تقوم بدورك كأب وتكون صوت العقل المتفهم في حياة أطفالك وولادك وتعرف ازاي تحبهم حب غير مشروط وتبقي أقرب حد ليهم واول حد يجرو عليه وقت الازمات والخوف
في مشاعر انسانية كتير هتحب تحسها، وصدقني احساس انك زوج صالح وأب صالح، واحساس انك زوجة صالحة وأم صالحة، ورؤية ثمرة ده في الولاد، لذة لا يعادلها أي شعور انساني هتحسه، واللي عدّي من هناك عارف، واللي مداقش ده او مش هيدوقه، فايتك كتير اوي من الجزء الجميل من الحياة، وهتفضل تدور عليه طول حياتك وهو اقرب ما يكون ليك بس انت باصص لحتة تانية.
