إستفسار صغير مُمكِن ؟ مقولة إنو البنت بتحب الشب التقيل مين حكاها ؟ مين حكا إنو نحنا هيك بنحب ؟ يلي بعرفه إنو بالحُب ما فيه تقل ، ولا إهمال ، هالإشيا بذاتا بتخرّب الحب ، الشخص يلي بحبني إذا ما بعت ولا سأل عنّي ولا اهتملّي على شو عادد حاله بحبني ؟ إذا ما عرف تفاصيل يومي ، ما عرف كلشي عني ، ما خاف علي ، ما حكالي كلمة حلوة ، وإذا غبت عنو ولما رجعت ما لاقيت منو كلام ولا حسّيت إنو افتقدلي ، شو بدي فيه ؟ هوّ بدو يتمثّل بالتقل وأنا شو ؟ حابّة جماد أنا ؟ أنا على طول بحكي هالجملة ، إنّو الإهتمام ب يلي بتحبّه مو كرماله ، كرمالك أنت ، لتطمّن قلبك عليه ، وتريّح بالك من التّفكير ، مادام هامل وين الحُب بالموضوع ؟ هالمقولة ما بيحكوها إلّا الأغبياء ، الجُبناء ، الملولين ، يلّي ما بحبّوا يكونوا مسؤولين !