كنت حب شخص لدرجة كبيرة فيك تقول لدرجة ' العمى ' بكل مره كنا | Rateel || رتيل ☁️💛
كنت حب شخص لدرجة كبيرة فيك تقول لدرجة " العمى " بكل مره كنا نتزاعل انا وياه اكتبلو جريدة عتاب ، من مبدأ انو ما هان عليي بيوم نكمّل بدون بعض ، ومشيت هالأيام وكل مره يغلط وتتغير معاملتو ، و تمرّق القصة ع أساس ظروف وشغل .. وكل ما صارت جريدة العتاب تقل كلماتها .. كان يتأقلم معها ؛ يمكن تعود يمكن ملّ .. المهم بعد فترة طويلة ، وللتركيز ع فترة .. صار العتاب يتحول لصمت ، و ردة الفعل تبرد " أنا اللي كنت اقلب الدنيا ويتعكر مزاجي بمجرد ما فكر أنو ممكن أصحى بيوم ما لاقيه وتغيرت أحوالي ، بس ضل العتب اسمو عتب ، لو بطلت اكتبو كان ممكن ينقرأ بصمتي وتصرفاتي .. كترة الضغط والأهمال ، بلشت تصير كل السبل قدامنا مسكّرة .. وكأنو إشارة من ربنا انو هي النهاية .. بتذكر بآخر رسالة كتبتها ، كانت " كيفك ...اي على خير...بتوصينا بشي" ، خلص حسيت أني ستنفذت طاقتي كلها بالعتاب ع مدار معرفتي فيه .. وانتهت بكلام بسيط وتافه ، ومالو قيمة .. لانو اللي بدو يصحى كان لازم يصحى من أول جريدة انكتبت.. ما ينتظر لآخر فرصة ، ليحاول قبل ما روح .
