يربات حضني او  يا عباس يل شايل غيره او احساس اخــــتك حشمتك ي | الرادود الحسيني ملاهيثم اللامي قصائد وألحان خادم الزهراء ع🎤

يربات حضني او  يا عباس
يل شايل غيره او احساس
اخــــتك حشمتك يا حـــيد
تعرفك ليـــث او ما تنجاس

امه من جابته        بجم علي رضعته
بوجهه نور الخيم    والـــحرب مهنته

وجهه قمر      ويشع نوره
جنه علي      نفس الصوره
لزينب غطه   وشايل  رايه
بعيونه نار    تشب وحروره
""""""""""
يم الخــــيم ويفـوح  بالهيل
عباس وجهه مـــضوي الليل
قمر العشيره وراعــي  الزود
وشايل شجاعه وشايل حيل

ياشجاع وشهم    وشيخ فوك الزلم
يابطل نينوى          بيده رف العلم

چنه علي      وشايل رايه
ولحسين      صاير تچايه
كباله الزلم    دنـــگو كلهم
وذل الفرات  اهوه ومايه
""""'""'""""'
هبت هوى من طبهم ريح
وازلام كثره كامت اتطيح
بحافر مهرته دافن الجيش
والجيش كله ادخيله يصيح

فات بيهم كبل        بالزلم من دخل
تخلخلت كربله      بسيفه لمن حمل

بنص الحرب    واخته تريده
رد والشوارب    طاحت بيده
كلتله جيب    الماي وارجعلي
وللـــمعركه          بهمه اتعيده
"""""""'"""
موزون كـــله وسيفه ابيد
بالسيف يقره ونسمع عيد
من الخيم ويصيح احسين
احتركت الحومه اهده وهيد

بالحرب منفرد وغيـرتك ترتعد
خزرتك قاتله        تــذبح اكبر فرد

يكتل زلم           بس بالنضره
حاجب علي     ونفس الخزره
المهره منه            تاخذ غيره
عدهه شجاعه  كحيله وشكره
""""""""""""
سيف فياض السعداوي