بحق ام البنين (ع) صاب الدهر أم الگمر ابطف كربله اتعنا | الرادود الحسيني ملاهيثم اللامي قصائد وألحان خادم الزهراء ع🎤

بحق ام البنين (ع)

صاب الدهر أم الگمر ابطف كربله اتعناهه
*
طبع الدهر ما يرحم ابرمياته
يهدم جبل من يردف ابطعناته
تدمي الگلب لمّن تحل نكباته
لن الغدر ثوبه ونَبِع من ذاته
يترك جرح طبّه يشح للوادم اليهواهه
*
يرمي ابسهامه وما يميّز بالنــــــــاس
بين البشر متساوي ابگطع الأنفـــاس
أبيض والاسود عنده نفس المقـــياس
وشوف الجرى من طعنته الأم عباس
ابوادي الألم منه السهم بالاربعة صاباهه
*
شوف اشعمل بام البنين الحـرة
زهره ولكن ذَبّل اطيب الزهــره
من اعتناهه ابرمية بالطف مُرّة
رايد گلبهه ابهالفعال أيــــــوذره
سل صارمه ابهالملحمة ما تستچن خلاهه
*
بالغاضرية هًدّم من عدهه الحيــل
خًلّه المدامع عالوجن مثل السيــل
سوّه النهار اعليهه چن لون الليل
للي صدَر من عنده شنهو التحليل
تحليل اله امن اتعلله ضد الوصي عاداهه
****
صوّبهه يوم العاشر ابجم اصــــواب
خلّاهه من امصاب وتتلكّه امصـــاب
بين الدمومه صارت الشيبه اخضاب
وبين الچفيل ابسهم مسموم انصاب
وبين الخدر وام الخدر يا صدمة تتلكاهه
*
تنحب عليمن ضلّت ابيا حيـــــــرة
ابديرة أهلهه وجنهه بابعد ديــــرة
لا عون اولا جعفر لا راعي الغيرة
لا عبد الله عالنهر أفضل خيــــــرة
ما تنوصف لا ما يجف هالمدمع من عيناهه
*
طبع الدهر يگصد غيور ابحربـه
ياخذ عزيزه وبي يوذّر گلبــــــــه
ايخليه وسط أهله ويعيش ابغربة
يجعل حياته امن النوايب صعبة
سيفه ايحَصد لا ما يرد والتنطعن ينساهه
*
لو دامت الدنيه البشر بالتعييــــــن
جا دامت وبيهه التخلّد ياسيــــــــن
من عدهه حارب هالغدر خير ابنين
واسدهم اعله الغبرة من أجل الدين
حارب نسل خير الرسل حرب الجمل عاداهه

****
كلمات خادم الحسين
حسن الجحيشي

#تم_بعون_الله_محرم_2022