﮼⊱ هَهݪوﯡ ˛"😃♥️ .•

2021-10-29 10:23:19 اليوم عندي رسالة للبنات وخاصتاً المرحلة الأولى وكل المراحل الدراسيه عامتاااً

ﺭﺳﺎﻟﺘﻲ ﺍﻟﺞ ﺣﺘﺮﺍﻓﻘﺞ ﻃﻮﻝ ﺣﻴﺎﺗﺞ ﺍﺫﺍ ﻓﺘﺤﺘﻲ ﮔﻠﺒﺞ ﻭﻋﻘﻠﺞ ﺳﻮﻩ ﻭﻗﺮﻳﺘﻴﻬﺎ ﺻﺢ ...
ﺍﻟﻰ ﻛﻞ اﺑﻨﻴﺔ ﺗﻌﺒﺖ ﻋﻠﻰ ﻧﻔﺴﻬﺎ ﻭﺩﺭﺳﺖ ... ﺣﺘئ ﻟﻮ ﺳﻨﺔ ﻟﻮ ﺳﻨﺘﻴﻦ او حتى اذا ما دارسه
ﺍﻟﻰ ﻛﻞ ﺑﻨﻴﺔ ﺑﺎﻭﻋﺖ ﻋﻠﻰ ﺭﻭﺣﻬﺎ ﺑﺎﻟﻤﺮﺍﻳﺔ ﻭﺷﺎﻓﺖ ﺷﻲ ﺣﻠﻮ ﺑﻴﻬﺎ
ﺍﻟﻰ ﻛﻞ ﺑﻨﻴﺔ ﺣﻔﻈﺖ ﻗﺼﻴﺪﺓ ... ﻣﻘﻮﻟﺔ ... ﺍﻭ ﻧﺺ ...
ﺍﻟﻰ ﻛﻞ ﺑﻨﻴﺔ ﻭﻛﻔﺖ ﻭﺻﻠﺖ ﺑﮕﻠﺐ ﺧﺎﺷﻊ ﻭﺷﺎﻓﺖ ﺭﻭﺣﻬﺎ ﻧﻈﻴﻔﺔ ﻭﻧﻘﻴﺔ ﻭﻫﻲ ﻭﺍﮔﻔﺔ ﻛﺪﺍﻡ ﺭﺑﻬﺎ
ﺗﺬﻛﺮﻱ ﺷﻲ ﺣﻄﻲ ﺑﺎﺫﻧﺞ ﺗﺮﭼﻴﺔ
ﺍﻟﻠﻪ ﺧﻠﻘﺞ ﺍﻧﺜﻰ ... ﺷﻲ ﻧﺎﺯﻙ ﻭﺭﺍﻗﻲ ﻭﻣﺮﻏﻮﺏ ...
ﻣﻬﻤﺎ ﻛﺎﻥ ﻋﻤﺮﺝ ﻟﻮ ﺣﺎﻟﺘﺞ
ﻣﻬﻤﺎ ﻛﺎﻥ ﻭﺿﻌﺞ ﺑﺎﻟﺒﻴﺖ
ﻣﻬﻤﺎ ﻛﺎﻥ ﻇﺮﻓﺞ ﻭﺣﻴﺎﺗﺞ
حته ﻟﻮ ﺍﺣﺪ ﻣﻦ ﺍﻫﻠﺞ ﻣﺄﺫﻳﺞ ﺣﺘﻪ ﻟﻮ ﺍﻛﻮ ﺗﻔﻜﻚ ﺍﺳﺮﻱ
ﺣﺘﻪ ﻟﻮ ﺟﻨﺘﻲ ﺑﻠﻪ ﺃﺳﺮﺓ
ﺣﺘﻪ ﻟﻮ ﻛﻞ ﺍﻟﺒﻨﺎﺕ ﺍﻟﺘﻌﺮﻓﻴﻬﻢ ﻫﻴﺞ ﺳﻮﻭ
ﺣﺘﻪ ﻟﻮ ﻛﻞ ﺍﻟﺸﺒﺎﺏ ﺗﺮﻛﺾ ﻭﺭﺍﺝ
ﻣﺎﻛﻮ ﺷﻲ ﺑﺎﻟﺪﻧﻴﺎ ﻛﻠﻬﻪ ﻳﺴﺘﺎﻫﻞ
ﺗﺨﻠﻴﻦ ﻧﻔﺴﺞ ﻓﺮﺻﺔ # ﻟﻌﺐ ﻟﻮﺍﺣﺪ ﻣﺎ ﺗﻌﺐ ﻟﺤﻈﺔ ﻭﻓﻜﺮ ﺑﻌﺮﺿﻪ ﻗﺒﻞ ﻣﺎ ﻳﻠﻌﺐ ﺑﺒﻨﺎﺕ ﺍﻟﻨﺎﺱ
ﻭﻻ ﻭﮔﻒ ﻟﺤﻈﺔ ﻭﻓﻜﺮ ﺑﺨﻮﺍﺗﻪ ﻟﻮ ﺍﻣﺔ ﻟﻮ ﺑﻨﺎﺗﻪ ﺑﺎﻟﻤﺴﺘﻘﺒﻞ
ﻗﺒﻞ ﻻ ﻳﻮﻋﺪ ﻭﺣﺪﻩ ﺑﺸﻲ ﻭﻫﻮ ﻏﺮﺿﻪ ﺷﻲ ﺛﺎﻧﻲ
ﻻ ﺗﺘﻬﺎﻭﻧﻴﻦ ﺑﻨﻔﺴﺞ
ﻭﻟﺘﺼﺪﮔﻴﻦ ...
ﻏﻴﺮ ﺍﻟﻴﺠﻲ ﻳﺪﮒ ﺑﺎﺑﺞ ...
ﻣﻮ ﺍﻟﻲ ﻳﮕﻠﺞ # ﻧﺎﻭﻱ ﺍﺩﮒ ﺍﻟﺒﺎﺏ
ﻋﻴﺸﻲ ﻏﺎﻟﻴﺔ ... ﺣﻴﻞ ﻏﺎﻟﻴﺔ
ﻭﺍﻟﻲ ﻳﮕﻠﺞ ﺷﺎﻳﻔﺔ ﺭﻭﺣﺞ ﻣﻌﻘﺪﺓ ﺣﻘﻨﺔ ﮔﻮﻟﻴﻠﻪ ﻭﻧﺼﻴﻦ ...
ﺍﺫﺍ ﺍﻻﺧﻼﻕ ﻭﺍﻻﻋﺘﺰﺍﺯ ﺑﻜﻴﺎﻧﺞ ﻳﺨﻠﻴﺞ ﻣﻌﻘﺪﺓ ﺗﻌﻘﺪﻱ
ﻭﺝ ﺻﺪﮔﻴﻨﻲ ﺧﻠﻲ ﻳﺘﻌﺒﻠﺞ ﻭﻳﻀﻮﮒ ﺍﻟﻤﺮ ﻟﺤﺪ ﻣﻴﻮﺻﻠﺞ
ﻻﻥ ﺍﻟﺘﻌﺐ ﻫﺬﺍ ﺣﻴﺨﻠﻲ ﻳﺘﺬﻛﺮ ﻃﻮﻝ ﻋﻤﺮﻩ ﺷﮕﺪ ﺗﻌﺐ ﻟﺤﺪ ﻣﺎ ﺣﺼﻠﺞ
ﺍﻟﺘﻌﺐ ﺣﻴﺨﻠﻴﺞ ﻏﺎﻟﻴﺔ ﻫﺴﻪ ﻭﺑﻌﺪﻳﻦ
ﺍﻟﺘﻌﺐ ﺣﻴﻈﻞ ﻣﺤﻔﻮﺭ ﺑﺮﺍﺳﻪ ﻟﺤﺪ ﻣﻴﺸﻮﻑ ﺍﺣﻔﺎﺩﻩ ﻣﻨﺞ
ﻭﻫﻢ ﺭﺍﺡ ﻳﺴﻮﻟﻔﻠﻬﻢ ﻭﻳﮕﻠﻬﻢ
‏( ﺟﺪﺗﻜﻢ ﺧﺬﺗﻬﻪ ﺑﻄﻠﻌﺎﻥ ﺍﻟﺮﻭﺡ ‏)
ﻣﻮ ﻳﺎﻫﻮ ﺍﻟﻴﺠﻲ ﻭﺩﮒ ﮔﻠﺒﺞ ﺗﺤﺒﻲ
ﺗﻌﺮﻓﻴﻦ ﻟﻴﺶ ?
ﻻﻥ ﺍﻻﺧﺘﻴﺎﺭ ﺍﻻﻭﻝ ﻣﻮ ﺗﺠﺮﺑﺔ
ﻭﺍﻟﺠﺮﺡ ﺍﻻﻭﻝ ﻣﻮ ﺗﺠﺮﺑﺔ
ﺍﻟﺠﺮﺡ ﻫﺬﺍ ﻣﺮﺍﺡ ﻳﻨﺰﻑ ﺑﮕﻠﺒﺞ
ﺣﻴﻨﺰﻑ ﺑﻌﻴﻮﻧﺞ ﻭﻳﻌﻤﻴﺞ ﻋﻦ ﺍﻟﺰﻳﻦ ﻣﻦ ﻳﺠﻲ
ﺣﺘﺸﻮﻓﻴﻦ ﺍﻟﻜﻞ ﺑﻨﻔﺲ ﺍﻟﻨﻈﺮﺓ
ﺣﻴﺨﺮﺏ ﺷﺨﺼﻴﺘﺞ ﻭﻳﺠﻮﺯ ﺗﺼﻴﺮﻳﻦ ﻣﺜﻠﻪ
ﺣﺘﺮﻭﺡ ﺍﻟﺒﺮﺍﺋﺔ ﻭﺍﻟﻄﻴﺒﺔ ﻭﺍﻟﻔﻄﺎﺭﻳﺔ
ﻭﻳﺠﻮﺯ ﺍﻟﻌﻼﻗﺔ ﺍﻟﻔﺎﺷﻠﺔ ﻫﺎﻱ ﺣﺘﻌﺮﻓﺞ ﻋﻠﻰ ﺑﻨﺎﺍﺕ ﻓﺎﺷﻼﺕ
ﻳﻌﻠﻤﻮﺝ ﺩﺭﺏ ﻓﺎﺷﻞ ﺗﻨﺴﻴﻦ ﺑﻲ ﺍﻟﺠﺮﺡ
ﻭﺣﺘﻌﺮﻓﻴﻦ ﻭﺍﺣﺪ ﻭﺭﻩ ﻭﺍﺣﺪ ﻭﺭﻩ ﻭﺍﺣﺪ
ﻭﻳﺨﺮﺏ ﮔﻠﺒﺞ ﻭﺗﻤﻮﺕ ﺭﻭﺣﺞ ﻭﺗﻨﺎﻡ ﺫﻳﺞ ﺍﻟﺒﻨﻴﺔ ﺍﻟﺠﺎﻧﺖ ﻧﻴﺘﻬﻪ #ﺣﺐ
ﻧﺼﻴﺤﺘﻲ ﺍﻟﺞ ﺩﻭﺭﻱ ﺑﺪﺍﺧﻠﺞ ﻋﻦ ﺍﻟﺤﺐ
ﺍﻫﺘﻤﻲ ﺑﻨﻔﺴﺞ ﻭﺣﺒﻴﻬﺎ
ﺑﺪﻝ ﻣﺘﺪﻭﺭﻳﻦ ﻭﺍﺣﺪ ﺗﺴﻮﻟﻔﻴﻦ ﻭﻳﺎﻩ
ﻟﺰﻣﻲ ﻭﺭﻗﺔ ﻭﻗﻠﻢ ﻭﺳﻮﻟﻔﻲ
ﻛﺘﺒﻲ
ﺭﺳﻤﻲ
ﻃﺮﺯﻱ
ﺧﻴﻄﻲ
ﺷﺨﺒﻄﻲ
ﺍﺷﺘﻐﻠﻲ
ﺍﺗﻔﺮﺟﻲ ﻣﺴﻠﺴﻼﺕ ﻭﻗﺼﺺ ﻭﻗﺼﺎﻳﺪ
ﺍﻗﺮﻱ ﺭﻭﺍﻳﺎﺕ ﻭﻛﺘﺐ ﻭﻛﺒﺮﻱ ﻋﻘﻠﺞ ﺍﺣﺴﻦ ﻣﺘﻜﺒﺮﻳﻦ ﻛﻠﺒﺞ ﺑﺎﻟﻬﻢ ﻭﺍﻟﺘﻌﺐ ﻭﺍﻟﻘﻬﺮ
ﻣﻦ ﺗﻀﻮﺟﻴﻦ ﻟﺘﻌﻠﮕﻴﻦ ﺍﻏﺎﻧﻲ ﻟﻄﻢ ﻭﺑﺠﻲ ﻭﺗﺪﻟﻐﻤﻴﻦ ﻭﺗﺒﺠﻴﻦ ﻃﻠﻌﻲ ﻣﻠﺴﻠﺴﻞ ﻳﻀﺤﻚ ﻓﻠﻢ ﻳﻀﺤﻚ
ﻳﻤﻌﻮﺩﻩ ﻃﻠﻌﻲ ﻛﺎﺭﺗﻮﻥ ﺟﻨﺘﻲ ﺗﺤﺒﻲ ﻣﻦ ﺟﻨﺘﻲ ﺻﻐﻴﺮﺓ
ﺳﺎﻋﺘﻬﻪ ﺣﻴﺼﻐﺮ ﺑﻌﻴﻨﺞ ﻫﻤﺞ
ﻟﻮ ﺍﻋﻠﻤﺞ ﻋﻠﻰ ﺩﺭﺏ ﻇﻞ ﻻﺯﻡ ﺭﻭﺣﻲ ﻋﻤﺮﻱ ﻛﻠﻪ
ﮔﻌﺪﻱ ﺳﻮﻟﻔﻲ ﻭﻳﺎﻩ ...
ﻣﻨﻮﻩ ? ﺍﻟﻠﻪ
ﻭﺝ ﺭﺑﺞ .... ﺷﮕﺪ ﺣﻨﻴﻦ
ﺍﺑﺪ ﻣﻴﻤﻞ ﺷﮕﺪ ﻣﺘﺤﺠﻴﻦ ﺻﺪﮔﻴﻨﻲ
ﻭﻟﻮ ﺷﻮﻳﺔ ﺭﻛﺰﺗﻲ ﻭﺻﻔﻨﺘﻲ ﻭﺧﺸﻌﺘﻲ
ﺣﺘﻠﮕﻴﻨﻪ ﻳﺠﺎﻭﺑﺞ
ﻳﻤﻜﻦ ﺑﺂﻳﺔ ﻭﻳﻤﻜﻦ ﺑﺼﻮﺭﺓ ﻭﻳﻤﻜﻦ ﺑﻤﻮﻗﻒ
ﻭﺍﻟﻠﻪ ﻣﺮﻩ ﺷﻔﺖ ﺍﻟﺪﻧﻴﺎ ﺿﺎﻛﺖ ﻋﻠﻴﻪ
ﺍﺧﺘﻨﮕﺖ ﺑﺎﻟﺸﺎﺭﻉ ﻭﺑﺎﻭﻋﺖ ﮔﺘﻠﻪ ﺭﺑﻲ ﻟﻴﺶ ﻫﻠﮕﺪ ﺿﺎﻳﺞ ﻣﻨﻲ ﻭﺩﺗﺸﻴﻠﻨﻲ ﺑﻬﺎﻻﺫﻳﺔ
ﺷﻔﺖ ﻓﻘﻴﺮ ﻭﻣﺸﻴﺘﻠﻪ ﺍﻧﻄﻴﺘﺔ ﺻﺪﻗﺔ
ﺍﻭﻝ ﻛﻠﻤﺔ ﮔﺎﻟﻬﺎ
‏( #ﺍﻟﻠﻪ_ﻳﺤﺒك ‏)
ﺳﺎﻋﺘﻬﺎ ﺍﻗﺴﻢ ﺑﺎﻟﻠﻪ ﮔﻠﺒﻲ ﻧﻂ ﻣﻦ ﻣﻜﺎﻧﻪ
ﻭﻋﻴﻨﻲ ﻟﻮﻣﺎ ﻟﺰﻣﺘﻬﻪ ﺟﺎﻥ ﺑﺠﺖ
ﻋﻠﻴﻜﻢ ﺍﻟﻠﻪ
ﻛﻠﻤﺔ ﺍﻟﻠﻪ ﻳﺤﺒﺞ ﻫﺎﻱ ﻣﻮ ﺍﺣﻠﻰ ﻣﻦ ﻣﻠﻴﻮﻥ ﺍﺣﺒﺞ ﻣﻦ ﻭﺍﺣﺪ ﻣﻴﻌﺮﻑ ﺻﻼﺓ ﺍﻟﻌﺼﺮ ﻣﻦ ﺍﻟﻤﻐﺮﺏ ﺷﻮﻛﺖ !!!
.
.
#ﺧﻠﻴﺞ_ﻋﺰﻳﺰﺓ_اخيتي
والله ﻣﺪﺍﺗﻔﻠﺴﻒ ﺑﺮﺍﺳﻜﻢ ... ﺑﺲ ﻭﺍﻟﻠﻪ ﺍﻟﻲ ﺗﺤﻂ ﺍﻟﻠﻪ ﻣﺮﺟﻌﻬﻪ ﺑﻜﻞ ﺻﻐﻴﺮﺓ ﻭﺟﺒﻴﺮﺓ
ﻣﻴﺸﻴﻠﻬﻪ ﻭﺟﻊ ﻭﻻ ﺳﺎﻋﺔ ﺑﻌﻤﺮﻫﻪ ﺣﺒﻴﺖ ﺍﻓﻴدكم باز کردن / نظر دهید

2021-10-06 22:50:52 يدك باب الفرح جاي وانه شباقي عندي؟
شلبس واني الجروح تفصال 6ـٌٍلـَـى كدي باز کردن / نظر دهید

2021-10-06 22:49:05 يا فرحة التجي وياي وانه مضيعه الاماني
اشوفن بويه الهلال اذا طولك اجاني باز کردن / نظر دهید

2021-10-06 22:42:13 شمعتي وشمعت البيت طفن وبحيرة ضليت! باز کردن / نظر دهید

2021-09-16 03:25:36 ‏"اللهُمَّ أنتَ الصاحب لكُل وحيد، وأنيس كُل وحشة، ورحيم بكُل ضعيف، وجابر كُل كسر، ولا نخضع الا إليّك، اغننا بك عن العالمين ". باز کردن / نظر دهید

2021-09-16 02:19:21 اني هنت دموعي هانت وحشتي هانت زعلي هان باز کردن / نظر دهید

2021-09-16 02:18:48 اختاروا الناس الي ماتهونون عليهم
ان چان حُب لو صداقة لو صحبة لو مجرد عابرين باز کردن / نظر دهید

2021-09-16 01:27:34 احبه باز کردن / نظر دهید

2021-09-16 01:27:06 باز کردن / نظر دهید