💝💞نزف المشاعر💞💝

2021-01-24 13:21:58 ايامنا يازينها ... ذيك الايام
كانت جميله والفرح كان جوي

اشتاق لك لو عدت اعوام واعوام
مهما تغيب اشتاق ومهما تسوي

والقلب في حبّك ترى صعب ينلام
والشوق لك عدّا سماي وعلوّي

ارجع ترى في غيبتك هم والآم
ارجع بنورك وخل شمسك تضوي باز کردن / نظر دهید

2020-09-05 13:16:29 دعُ المليحةَ تهوى من يَطيبُ لها
فللمليحةِ حقُ حين تختارُ

لاتُكرِهوُها على من لاتميلُ لهُ
فالحبُ حريتةُ والناسُ أحرارُ باز کردن / نظر دهید

2020-08-26 15:13:52 ياللي نسيت المحبه ربك أولى بك
‏ماني ملزوم أحبك وأنت غشاشي

‏إكشف نواياك وإتبع ملة أصحابك
‏خلك على المذهب اللي ترغبه ماشي باز کردن / نظر دهید

2020-08-26 15:13:45 ‏عليك السلام ورحمة الله وكيف الحال
‏تبريت مني و انبرا جسمي و حالي
‏ٰ
‏مسحت الرسايل كل ابوها من الجوال
‏واثر قلبي وعيني ماهي مثل جوالي باز کردن / نظر دهید

2020-08-26 15:13:36 ‏شيروا على المحبوب زين الشبابي
‏خلوه للي عذبه يلتفت له

‏وان كان عياء لا يرد الجوابي
‏قولوا على شان المحبه صفت له

‏كان انت ناوي ياحبيبي ذهابي
‏اللي يحبك كيف تنوي بقتله باز کردن / نظر دهید

2020-03-15 08:10:23 ‏الله من ضيقتـ(ن فالصدر .. ماتنشكى
‏الا على الواحد الحي السميع المجيب

‏دوامتـ(ن لارتكز تيارها .. وارتكى
‏جضيت منها هويد الليل جضت صويب

‏وشهوله احكي واطول مايفيد الحكى
‏العله اللي وباها ينتشر .. ماتطيب

‏ابا اتذيكا عليها .. لو مامن ذكى
‏لاتنكشف ضحكة الاعداء وحزن الصحيب

وان زادت الضيقه اللي تاليتها البكى
بابكي لحالي قبل لايبكي اقرب قريب باز کردن / نظر دهید

2020-03-12 16:47:09 شكراً لحسادي على كل ماصار
هم والله اللي للنجاح دعموني

اليا تعبت وجيت ابطيح وانهار
ذكرت ضحكتهم وجنت جنوني

وقمت انتهض كلي طموحات وإصرار
وأركيت للحمل الموسق متوني

يالله عساهم من طويلين الاعمار
ابا تطول اعماركم وأحسدوني

باقي لتحقيق الطموحات مشوار
على اخر المشوار .. لاتتركوني باز کردن / نظر دهید

2020-03-12 16:46:45 اهلاً هلا يامحطم ارقام الجمال
يامن على قلبي ارق من النسيم

مشكلتك انك سالب عقول الرجال
وعذروبك انك محرق قلوب الحريم


ياكامل الاوصاف .. لله الكمال
ياليت لك قلبـ(ن مثل قلبي رحيم

مع جمالك والنعومه والدلال
لو ان هذي فيك والله العظيم

اني لا اقول انك سحر ولا خيال
الا ملاكً فالبشر شكله عديم


اخذت من وصف النداوي والغزال
وراه يحوي ماحوى البحر الطميم

اغلى وصوف اللولو اللي مايطال
الا من اهل الغوص فالعصر القديم


ويوم المح الرسلان ، من بين الدلال
يطري عليه جسمك الفاتن واهيم


انا رجل واقسى واقوْ من الجبال
وأصارع الصعبات لو انها تضيم


الا معك ، ماعاد للقوه مجال
اضعف من الدمعه على خد اليتيم باز کردن / نظر دهید

2020-01-27 04:07:52 يقبل الليل وطواريه والخاطر حزين
لين اكافح ضيقة الصدر باذكار المساء

فاقد اللي في غيابه ترك لي حاجتين
ذكرياته .. والسهر بين لعل وعسى

ودي ادري واقطع الشك بالعلم اليقين
هو نسى ماضيه فالحب ، ولا مانسى ؟

عاده الغالي ، وحبه ماتمحاه السنين
وعاده اللي بين الاضلاع في لين وقسى

مايلام القلب لاراح مع صافي الجبين
واحدن ماله مع الناس فالزين جلسا

مايطالع فالمزاين غير بنص عين
الطف من الورد والذ من تمر الحسا باز کردن / نظر دهید

2020-01-24 21:59:33 بتغيب يعني لو تبي تغيب وتروح
منت بأول شخص عن دنيتي غاب

عادي تؤكل يابن الأجواد مسموح
انسى المحبه وخلها خوة أصحاب باز کردن / نظر دهید