هي: من لما بديت نتبع في قروب فلانة ( بتاع الجذب) ونتابع في فلا | رؤى كردلة /تاني تانوي علمي✨
هي: من لما بديت نتبع في قروب فلانة ( بتاع الجذب) ونتابع في فلانة اللي تحكي على الطاقة، وفلان اللي يعالج بالأكسس بارز، بديت نتحسن، حتى ناس جربت وتحسنت، ديما نقرأ في تعليقاتهم وتجاربهم، نبي نوصل للي وصلوه، أنا أشعر بالوفرة، أنا أستحق أكون مثلهم، أنا ممتنة لكل كوتش ورفيقة في علم الطاقة، أنا أشعر بالهدوء والسلام.
المنطق: سامعة من قبل ب placebo effect ؟ هذا اللي صاير معاك، باختصار، المرضى اللي يقولوا لهم نعطوكم دواء حيخليكم تتغيروا للأحسن ومعش تشعروا بالألم، دواء قوي وفعّال وأثبته العلم، لقوا ناس واجد فعلاً تتحسن ! والحقيقة إن حبة الدواء فاضية ! مافيش دواء فيها. لكن تحسنهم كان لفترة قصيرة فقط، وبعدها ردوا لحالتهم الأولى.
ف التفسير العلمي إن الناس تتأثر نفسياً لفترة قصيرة، وحترد لحالتها الأولى أو أسوء، لأن تأثير البلاسي ليو، هو تأثير الوهم.
هي: هذا علم !!!!! يا أعداء العلم والتطور، يا اساس خراب البلاد والتخلف، اقروا وتعلموا وأنتو دول العالم الثالث !
المنطق: هذا خزعبلات، مش علم ما تخلي حد يضحك عليك، مافيش أي دراسة تثبت إن هذا علم أساساً، عشان تقولي أنه مثبت الفاعلية ! #تتحداك تجيبي أي دراسة تثبت أن الطاقة والجذب والأكسس بارز علم وفاعليته مثبته ! وآهو قاعد نرجى وبما أن حيطول انتظاري واجد بكل بكل ( لأنه مافيش دراسات ولا تجارب ) ف أنا جبت أدلة #علمية تبثت انهم يضحكوا عالناس. في أول تعليق
#هي_والمنطق 9 - تجربة جامعة كونيل في بيان خرافة تأثير الأفكار والنية والتخيل على العالم المادي من حولنا: https://science.sciencemag.org/content/189/4201/478...
- مقال مجلة الساينتفيك أمريكان في بيان خرافة ضبط الذبذبة وتأثير الخيال: https://www.scientificamerican.com/article/the-other-secret/ مقال مجلة اللايف ساينس: قانون الجذب علم زائف https://www.livescience.com/5303-pseudoscience-secret.html
