ملاحظة مهمة بخصوص الانتخابات و البطاقات القديمة اللي ما بيها صورة
1- اي شخص ما محدث بياناته و بطاقته بطاقة قديمة ( ما بيها صورة ) يكدر يشارك بالانتخابات و لكن لازم ياخذ ويا 2 مستمسكات ثبوتيات ( الجنسية + شهادة الجنسية ) و اللي عنده بطاقة وطنية موحدة هذه وحدها تكفي و ما رح يحتاج الى مستمسك اخر و اي شخص ما عنده شهادة جنسية و بطاقته الانتخابية هي بطاقة قديمة ( ما بيها صورة ) لازم ياخذ ويا ( الجنسية مالته + شهادة جنسية والده ) هذني المستمسكات لازم يكونن موجودات وياكم حتى يتم مطابقة المعلومات مع معلومات البطاقة الانتخابية القديمة اما اذا تاخذ وياك مستمسك واحد فقط و انت بطاقتك الانتخابية بطاقة قديمة ( ما بيها صورة ) ما رح تكدر تشارك بالانتخابات
2- اذا جنت انت محدث بياناتك و انت ما رايح و ما مستلم بطاقتك الجديدة بهذه الحالة ما رح تكدر تنتخب ببطاقتك القديمة لان الجهاز رح يرفض بطاقتك و رح يطلب اخر بطاقة اللي صدرتها الك المفوضية ( اللي محدث بياناته خل يراجع اقرب مركز تسجيل لغرض استلام بطاقته الحديثه قبل الانتخابات حتى يكدر يشارك بالانتخابات )
هذه هي اهم الملاحظات بخصوص البطاقات القديمة اللي ما بيها صورة
