العِراقي من ينولد يرضع حزن بدل الحليب بالمهد يلعب بحبل المشن | "ثيودِكتِس"
العِراقي من ينولد يرضع حزن بدل الحليب بالمهد يلعب بحبل المشنقه بالطفوله يباوع عالشهداء والدم هنا وهناك يصبح ع خبر اخوك استشهد ابوك استشهد صريخ النسوان ولحن الفواتح والعزاء ميفارك اذنه ...اول ما نولد هالطفل بالعراق صار مستعد يموت باي لحظه باي ثانيه يخسر كل اليحبهم ويخسر نفسه يمكن اذا جان محظوظ تطكه عبوة يصير شهيد بنص السوك لو بالزيارة تطكه دخانيه وهو يطالب عن حقه يمكن يغتالونه لان ما سكت عن الضلم الي ديعيشه . لمن تدك ساعات الجهاد وصاحت بيها الجوامع والكنائس اعرف انو حتموت حته وانته كاعد ابيتك بصاروخ كاتيوشا لو رمي عشاير تايه ممكن حته لو مو بحرب ممكن اهلك يموتونك وانته عايش بسبب عادات او تقاليد تموت بلا وعي تمشي وانته مهشم شوكت صار العراق من مرادفات كلمه موت خوف حرب وحزن ليش هيج خسرنه العراق خسرنا ولدنا خسرناها وهي تطلب عيشه مثل باقي البشر تطلب مساواة وعدل تطلب حكومه تنصفها بدون كل هالظلم ويكلك ليش اطلع مضاهرات بابا لو ع كص ركبتي ماعوف العراق هيج تايه لاطفالي بالمستقبل عادي اموت بس اريد ائمنلهم مسقبلهم باجر خو ما اعوف ابني يدرس وهاي الجلاب تفتر من حواليه سكتو اهلنه كبل بس احنه مو مثلهم احنه مانسكت والنار حاميه احنه نوججها ونحرك روحنه بيها ونحرك كلمن يتدنه ويتقربلنه احنه ولد العراق المانسكت عالظالم مستحيل اخلف طفل بهيج بلد مستحيل واني اعرف العراق حربه ماتنتهي حته بالايام العاديه حرب مستحيل واني ادري حته من يلعب بره يمكن يموت حته من يدرس راح يموتونه وهو عايش بضلمهم وحته من يصيرله مستقبل يكصون جناحاته ليش لان ما عدهم وظائف وهذا كله ليش بسبب طمع السياسين الي كل واحد جواه بليارات الفلوس والي ممكن تعيس الف اسرة عراقية بس الجششع عاميهم مستحيل انام الليل واني ادري بكل هالامور دتصير ببيتي وطني الي اني عايش بي بلادي.. اني و هذهِ البلاد.. اه يا هذهِ البلاد تقتلُين كلَّ روحٍ ثائرة...
