بتمنى تشاركو الرسالة لتوصل لسيادة وزير التّربية بحب وجّه كلمة | سلسلة التفوق التعليمية
بتمنى تشاركو الرسالة لتوصل لسيادة وزير التّربية بحب وجّه كلمة بعد اسئلة الرياضيات للبكالوريا في الدورة الثانية بعد كل امتحان ما بيصدر من الوزارة ولاشي تعليقاً عالاسئلة فقط "المكتب الصحفي للوزارة: الاسئلة تراعي جميع المستويات" على أي مستويات عم تحكو ؟! على مستويات الطلاب ؟؟؟ بس رجاء يا سيادة الوزير قبل ما يطلع المكتب ويقول "الاسئلة سهلة وبتراعي جميع المستويات" انزل ع ساحة الحرب اللي عم يحاربو فيها الطلاب ليوصلو لحلمهم واسأل طالب درويش ع مستوى الاسئلة لا تسأل طالب مشغّل الواسطات عن الاسئلة سيادة الوزير قبل ما يصرّح المكتب الإعلامي للوزارة بإنو الاسئلة متوسطة •وتراعي جميع المستويات• حابة أطرح مجموعة اسئلة... حضرتكم عم •تراعوا مستوى• المعيشة ؟! حضرتكم عم •تراعوا مستوى• الكهربا كرمال يدرسو الطلاب؟! حضرتكم عم •تراعوا مستوى• الطلاب بالمدارس إنو مافي أساتذة عم تعطي من قلب ورب؟! حضرتكم عم •تراعوا مستوى• اللي وصلنالو من تسرّب الطلاب من المدارس بسبب ضعف الكادر التدريسي ببعض المدارس؟! حضرتكم عم •تراعوا مستوى• غلاء المعاهد والدروس الخصوصية ومافي رقابة عليها؟! بتمنّى أنا من كل قلبي كأستاذة مادة علم أحياء إنكم تراعوا المستويات الواجب توافرها كرمال الطالب يدرس ويقدر يحل هيك اسئلة بتراعي مستواه التحضيرية والطب فقط ببلادنا شغلها شغل تعجيز سيادتك رح تقول كل طالب وتعبه وجهده له فرعه بسسسس لو فينا نقلّد الغرب بإنو كل طالب يفوت الفرع اللي حابو وشوفو سوريا اذا ما بترجع بتتعمر بأبناءها منتمنى تراعوا هالمستويات قبل مستوى الاسئلة
