تقريبا دقّت ساعة الصفر وضل أقل من 25 لتروح عالمكان اللي راح تز | 🌟Be Special/كن مميز⚡
تقريبا دقّت ساعة الصفر وضل أقل من 25 لتروح عالمكان اللي راح تزرع فيه أحلامك وتنطر الثمر يزهر ... شي بلّش يخاف شي بلّش يتوتر وشي بلّش ينسى من التفكير الزائد وشي بلّش بفكّر بالإعادة !!! راح احكي هالحكي من كل قلبي وخذوها انتوا ع مبدأ " اسمع من مجرّب ولا تسمع من حكيم " ..
الإعادة صدقوني ماهي سهلة ولا هي صعبة بس مو صعبة عالشخص يلي عندو حلم كبير وشاءت ظروفو لتعطّل القطار تبعو للوصول إلو ، ممكن يتهيئلك بهي الأيام أنو أنت قد الإعادة بس لا تسمع من نفسك ، أوعك تفكّر تعيد وتحط ببالك أنو أنا بدي عيد ، طيب ليش ؟ لأنو عقلك راح توصلو معلومات فورية أنو أنت راح تعيد يعني شو مادرست عادي ما أنتَ راح تعيد ، وما راح تدرس وواثق من يلي عم احكيه ، راح تصير مثل اللي ضامن تجيه المصاري وهو قاعد ، بننتقل لبداية الندم واللي هو وقت تطلع النتائح وتشوف رفقاتك بلشوا يسجلوا جامعات وأنت بعدك مكانك ، راح تبكي وراح تندم وتحكي ياريت ارضيت بـ يلي قسملي ياه رب العالمين وما عدت ، راح تبلش بسنة الإعادة مثل الغريب ، راح تكره حالك لربّما ، ما عم احكي هيك لشائم عالإعادة بس ضروري تعرف أنت هالشغلات ، وحكيت بالبداية أني عم احكيها من تجربتي شخصياً ،
في وقت بلاش تفكّر تعيد ، طيب وحلمي ؟ ما هو أنت عارف شو مخبّيلك رب العالمين ! طيب ماراح لحّق ؟ بهالأيام اللي بقيت ادرس وجد فيهن واترك مادتين للتكميلي بس تكون ضامن النجاح فيهم ، ياما ناس انقلبت علامتها من 190 لل 225 بالتكميلي الأمل موجود مثل ما ريال مدريد بالأمس قدرت تقلب موازين المبارة والتصاريح اللي صارت بس بـ6 دقائق من أصل 180 دقيقة !! قادر أنت كمان تعمل ريمونتادا وتقلب سقف توقعاتك المتشائمة وتوقعات كارهينك ، اسعى واعمل اللي عليك ، وإذا ما حالفك الحظ عيد انا هون معك ، بس لااااا تفكّر تعيد بهيك وقت . مع انو صدقوني انتو قدها تخلصو منهاجكن بهال ٢٥ يوم وبعلامات حلوة كتير
