2022-08-28 10:20:17
كل عام يمرنه نطلع مشاية
والـهـيبة تبين لو رفـة راية
درب حسين الانفاس،،،يمشي ويانه العباس
ياهلة ابزوارة،،،الكفو ذولة انصارة
خدم،،،نعم،،،عناية
الدرب مابيه حاير،،،زاير ابصف زاير
زلم،،،عزم،،،وفاية
درب الحسين شحلاته التعب بيه هم واهس
امتحان احبابه هذا الدارس ومادارس
تشيلة املاك السماء الراح اسود لابس
ومن تشگ ثوبك ابحضرة تنكتب هم عابس
هنيالة اليزورة ودمعة بالعين
يتلاگاه اكيد ابحيلة الحسين
امنيت الزاير تشبه الصملّه
كلساعه تشوفه يهز ابعبد الله
عالفطرة الگله احساس،،،يمشي ويانه العباس
٭٭٭٭٭٭٭٭٭٭٭٭٭٭٭٭٭٭٭
ياحلات الخدمه،،،جنها بوسة نعمه
مثل،،شكل،،كل گمرة
تضوي كل ايامك،،،وبيها حلوة احلامك
عُمر،،،،نذر،،،،للزهرة
فطرة الخادم نعاوي تترس اجتاف الدرب
گبل لايفتح الموگب بالهلة يفتح گلب
منين معروف المعزب مو امن الناس التطب
من يسرفنهن اردانه چنه داخله ابحرب
باوع لبو الموكب راسه بيه شيب
معـناها ترة مكثر معازيب
من گد الوكفه متروس املوحه
وحسين ابهاية تلتم اجروحه
ويرجع شريان الراس،،،يمشي ويانه العباس
٭٭٭٭٭٭٭٭٭٭٭٭٭٭٭٭٭٭٭
كربلة الحرية،،،بسم العزوبيه
اله،،،هله،،يالعابر
هناك اليتجولك،،،وذولي اليمدولك
سُفر،،نضر،،لكل زاير
انتظرنه السنه كلها حته تنگال الهلة
چفوفنه مرفوعة ضلت چن مناير كربله
بين حرمه وشاب شايب والاطفال ومرجله
حته زوار ابو اليمه تبقه دوم امدلله
شد حزام ظهرك وارفع الراس
تلگه اعله المواكب شيخ عباس
الكافل واكف. من فدوة لعينه
يرحب بالخادم والزار حسينه
بزنودة الماتنجاس،،،يمشي ويانه العباس
٭٭٭٭٭٭٭٭٭٭٭٭٭٭٭٭٭٭٭
يالترافگ ربعك،،،هيجي رافگ دمعك
حزن،،،جفن،،يتفطر
حسين انتو اضيوفه،،،الگمر ذب اجفوفه
وذا،،،اذا تتعثر
شوفلك صاحب ابدربك لاتماشيلك شمر
حسين عندة اخيام راحت لاتذب بيهن جمر
الصوت يعله اعله المناية بالهوة لمن يمر
حسين دلانه ابطريقه لازم انكثر الشكر
ادعي الباري هيج وافتهم زين
ربي ابكل سنه نمشي للحسين
زينب مشايه والروس وياها
يـتـوفـق كلمـن راح اتلـگاها
البيرغ كل ماينباس، ،،يمشي ويانه العباس
٭٭٭٭٭٭٭٭٭٭٭٭٭٭٭٭٭٭٭
كل سنه فزعتنه،،،نموت لزيارتنه
ارض، ،،ركظ،،،للمنحر
البيارغ كثرة،،،جنها خير الزهرة
علت،،،بقت،،، تتكبر
مانساوم عالقضيه خل يطير المنحر
احنه ناس احرورة بينه من شوارب حيدر
المايماشينه لبونه هذا باجر يزغر
ريحة الزاير خذتنا وجنها ريحة عنبر
خير وتكثر الزوار كل عام
حزام الخدمه رتبه تشيلة خدام
نتنافس بيها ونتشرف لازم
ولمن نتشابك زاير وي خادم
نتشابه درع وطاس،،،يمشي ويانه العباس
حسين الگرغولي
341 views07:20
ا
