خويه عباس للنهر جيتك واكسر الخاطر خويه عباس رد خويه وياي اختك اتناطر يمك اجيت ودمعتي بعيني معقوله اصيح وماتحاجيني وسط الخيم زينب تتانيني خويه يابعده دربي من الخيم لمن وصلت لجسمك كل حيلي يم جسمك وكع ودنكت خويه اشتمك بعينك شفت نابت سهم ياخويه خرب رسمك جفوفك شفته مكطعه وبكلبي خضر همك عكبك يخويه ماتت الروح حيلي ركد واستوطن النوح بروحي وصبح كل حجي مذبوح ...خويه ضهري مكسور لمن رحت مابيه اعدلنه ضهري مكسور وراسي بعد مابيه اشيلنه مااذكر انته بمره جافيني معقوله اصيح وماتحاجيني بوسط الخيم زينب تتانيني خويه من اركضت من الخيم ليك انه اجيتك حافي شفتك امدد ع الترب ونورك يشع ماطافي العطش يبس جبدتك وماي النهر متعافي دنكت اشيلنك ردت ثاريه ميته اجتافي هاي الي هضمتني يعباس استوحدتني عكبك الناس الهضمه كبرت ونحنه الراس .. خويه امهبط الراس وضهري نكسر لمن رحت عني امهبط الراس والدنيه ناحت وي حزن وني بهذه الكسر ياهو اليواسيني معقوله اصيح وماتحاجيني وسط الخيم زينب تتانيني خويه خويه ختنك حته الهوه لمن طحت كدامي كلشي انتهى وراح الحجي لا ماترد ايامي كلشي نكسر لمن رحت طاح العمد وخيامي طيحتك كسرتلي ضهر وزادت يخويه الامي شلون ارد وحدي للاخيام اشلون اردن والعقل هام كسر الخواطر موش الي ولام ..خويه حاير شكلها اباب الخيم تنتضرك سكينه حاير شكلها لو كالت العباس جا وينه ضلمه اصبحت من دونك سنيني معقوله اصيح وماتحاجيني وسط الخيم زينب تتانيني خويه جلمت يخويه من اسمعت ياخويه شدهت بالي ماجنت احس بهل طعم من تطلع من الغالي جدمي ركض لمن صحت والحيل طاح كبالي الخويه منك تختلف هزت كياني وحالي لجلمت يخويه عطشت الروح بكلبي اسمعته وفزت جروح اسمعه اريدن قبل لتروح .. خويه دلالي ناداك وبهضمه فزت روحي تبجيلك دلالي ناداك وجرح الكلب سابكني يحجيلك فز الدمع ويسولف لعيني معقوله اصيح وماتحاجيني وسط الخيم زينب تتانيني خويه محمد تقي الزاملي https://t.me/sgxig 200 viewsmohammed take, 21:36
