تدري شصار بيوم العاشر حسين يدوس بصدره الحافر والمحبس سلبوه و | قناة مسلم المطيري
تدري شصار بيوم العاشر
حسين يدوس بصدره الحافر
والمحبس سلبوه والمنحر گطعوه
..........................................................
بالعاشر بعاشور صارت فجيعه
حسين نذبح عطشان هوه ورضيعه
واخته انسبت للشام هاي الوديعه
مو دمعه كون دموم نبچي يشيعه
..........
علضامي وضل بالطف حاير
وحده بغربه ولا من ناصر
والخنصر بتروه والمنحر گطعوه
...........................................................
لا أهل لا صحبان شده وچبيره
ضل حاير بيا صوب وجه يديره
من عگب ما ذبحوه بدر العشيره
حسين نجمع ويلاه جسمه بحصيره
ََََ...........
ضلوعه نكسرن مثل الزهره
وسهم مثلث داخل صدره
وبلا مي خلوه والمنحر گطعوه
............................................................
هجمو علئ الصيوان وبلا حميه
واحترگت الخيمات بالغاضريه
وراس الحسين يشوف رگضت رقيه
وسكينه راح تروح باچر سبيه
............
صعبه اتخيل هاي الحاله
ينسلبون گباله أطفاله
مو سهله السووه والمنحر گطعوه
.............................................................
بنحره اشكثر ذبحات مو ذبحه وحده
واثنعش طبره نصاب عالترب خده
شمر الخنه بمگفاه سيفه يحده
يزحف زحف الحسين حاول يبعده
.............
مذبوح اتسحگه الخياله
ولا واحد يمه ادناله
وابدا ما رحموه والمنحر گطعوه
.............................................................
هواي الجروح البيك جرح ابجرح صار
ريت القيامه تقوم من منحرك فار
ضامي وبقه بلا ماي وبصدره چن نار
ومطرت سهام اعليك مامطرت امطار
.............
منعو تغسيله وتكفينه
جثه وعلرمضه مخلينه
جسمك ما دفنوه والمنحر گطعوه
..............................................................
محمد صادق الدراجي
