بتحكي بتقول: صاح أنها كانت تجربة فاشلة بس بالجد إتعلمت منها كت | طابزاا للاخر 💖😂
بتحكي بتقول: صاح أنها كانت تجربة فاشلة بس بالجد إتعلمت منها كتيير.. لأني حبيت بجد وعرفت يعني شنو تحب بجد.. لمن تحب بجد بتتغير.. بتتنازل عن كبريائك ال ممكن تكون عمرك كله م اتنازلت عنه لزول.. لمن تحب م بتقدر تعمل تقيل خالص ولا بتقدر تسفه، حتى لو زعلان بتقول اي شي بس مستحيل تسفه.. لمن تحب بجد حترسل انت وحتفتح مواضيع انت حتى لو م بتعرف تتكلم و م بتعرف تفتح مواضيع حتشوف من ماف..، و حتى لو الطرف التاني م بيبادر أبدا م حتحس بالحاجة دي ولا تنتبه إلا تحصل حاجة تنبهك لمن تحب حتحسن الظن شديييد في الطرف التاني ومستحيل تصدق أنو م بحبك، حتى لو رسل زول يوصل ليك الكلام دا م حتقتنع الا تسمعها منه هو او تصرفاته تعكسها ليك بكل وضوح.. البيحبك بيفتش اي عذر عشان يتكلم معاك حتى لو كان تافه جدا.. البيحبك بدمنك.. لو مروا يومين و م اتكلم معاك بيحس كأنه مخنوق، ولو خمسة بيحس كأنه روحه بتطلع منه.. البيحب بجد م بقدر م يعترف ولا يلمح ، مشاعره بتكون قوية وكبيييييرة لدرجة م بقدر يكتمها ابدا ابدا..
وحاجات تانية كتييييرة... ودا كله خلاني أعرف يعني شنو حب ، وخلاني أعرف البيحب بعمل شنو عشان بس يصل لي او عشان كلمة بس مني
صاح كانت تجربة فاشلة بس خلتني أرفع سقفي شديييد و م اقبل بزول م بعني ليهو كتير..
خلتني اعرف اني م البت البتتجاب بكلمتين حلوين لأ.. أنا البت البتتحب وينتعب ويتسف التراب عشانها