قصيده لسبایه کربلاء كربله يا كربله يا كربله بيج كلها | خادمة السيده رقيه بنت الحسين ع
قصيده لسبایه کربلاء
كربله يا كربله يا كربله
بيج كلها تذبحت العايله
ولحرم بيج انسبت
والعيــال اتيتــمت
وتالی. مسبيه مشت المــــدلله
⊰᯽⊱┈──╌ ❊╌──┈⊰᯽
بيج مذبوح الحسين ويه الاطهار
وبــيج خيمات الأهل مشــتعله نار
وكلها ترکض بلــفلا وكت النهار
خايفين من الضرب
والله هالموقف صعب
وضاعت الایتام ویلی بالفلــه
الشاعره غدير الباهلي
⊰᯽⊱┈──╌ ❊╌──┈⊰᯽
بيــج تــتراكض بقت كل النــساء
والحسين الجسم غارگ بالــدماء
صعــبه صــعبه هاي عملت كربلاء
بيج محتاره البـنات
بالخـلــي متشتتات
والعليل ابخيمــته بيج انــــوله
الشاعره ام إبراهيم الحلفي
⊰᯽⊱┈──╌❊ ╌──┈⊰᯽
چن اشوفن نار وخـــیول وسيوف
وبیچ اشوف الکافل ابلايا چفوف
والمنايا اعله الخدر گامت تطوف
النار تلهــم بالخيم
وكلها مرعوبه الحرم
والزلم فوگ الوطيه مچـــتله
ام زهراء الزيداويه البصراويه
⊰᯽⊱┈──╌❊ ╌──┈⊰᯽
من بعـد يالوعه ايهيد الـــجـرح
بيج ظل حسين ويـــلي منـذبح
یالعقــیله اشــلون لو طر الصبح
تالی تمشی ميسره
ولدمــع منه جره
تظل محتاره ابحرم والعايلــه
سهام المالكي
⊰᯽⊱┈──╌❊ ╌──┈⊰᯽
كـــربله صایر بــحر دم الشباب
ماسلم حتى الطفل من هالمصاب
والجثث مسلوبه غطاها التــراب
ظلمه لو طر الصبح
وروس رفعوها ابرمح
ولشمــر يحدي الظعن واتكفــله
ام اسعد الشمري
⊰᯽⊱┈──╌❊ ╌──┈⊰᯽
طاح ابو اليمه وسبع عل الكَنطره
مذبحــــه كل الزلم من الچــــره
وحرم وايتام بظــــعن مــتیسره
مرمي اخوهن عالنهر
ولدمــــع منـــهن مطر
عالکفیل الدمعه ضــلت سايله
الشاعرة رقية العامري
⊰᯽⊱┈──╌❊ ╌──┈⊰᯽⊱
تمت بعون الله تعالى
بـ ــاقـ ــلام خـادمـات أهل البيت ع
بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحـــزان
نسألكم الدعاء
بتعجيل الفرج لصاحب الزمان (( ع))
https://t.me/ssrgk