قصيده لشجاعة العباس عليه السلام وزن نصاري ~~~ نزل عباس حومته | خادمة السيده رقيه بنت الحسين ع
قصيده لشجاعة العباس عليه السلام وزن نصاري
~~~
نزل عباس حومتها الميادين
وخله ارگابهم منثوره صوبين
*ام منــــــــــ ــذرالحجار*
⊰᯽⊱┈──╌❊ ╌──┈⊰᯽⊱
نزل شبل الصميده يخطف ارواح
گلب يسره عالليمنه لمن صاح
ترج الكون شمرت سيفه لو لاح
لعب بيهم لعب بشمال ويمين
*ام منــــــــ ـــذرالحجار*
⊰᯽⊱┈──╌❊ ╌──┈⊰᯽⊱
الف نعمين عباس المشكر
خله ابطالهم ماتندل المعبر
گالو نزل هالموت المگدر
يحصد بالرگاب وعاد صفين
*ام محــــــــــ ــمد الساري*
⊰᯽⊱┈──╌❊ ╌──┈⊰᯽⊱
دخل للحومه خله الزلم طشار
مثل صولات عوده علي الكرار
والسيف بيمينه جنه الفقار
كفوو ونعمين ياابن الميامين
*سهـــــــــــ ـــــام المالكي*
⊰᯽⊱┈──╌❊ ╌──┈⊰᯽⊱
كفو ونعمين منك يبو نوماس
للحومه دخل دك بيها الساس
وكلها تخاف منه گوم الارجاس
وطشرها الجيوش البطل نصين
*مريــــــــــ ـــم الحجيمي*
⊰᯽⊱┈──╌❊ ╌──┈⊰᯽⊱
صار الموت عالعدوان زاحم
يوم الطب حربها كمر هاشم
لشرد منهم شر والرجع سالم
صارت ضغبره انگلبت الصوبين
*الشاعره ام سكيــــــــ ــنه العبوديه*
⊰᯽⊱┈──╌❊ ╌──┈⊰᯽⊱
وينك ياضـخر مو گلبي ميهيد
بس ياحيـف غدروه كفرة يزيد
وفـه بخوتـة والـنعم ياحـيد
وضحه بخوته لزينب والحسين
*الشاعرة والمله زيــــــــ ـــنب العـگيلي*
⊰᯽⊱┈──╌❊ ╌──┈⊰᯽⊱
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
http://t.me/youoo25