نعي كرناوي •┈┈•✦ ⇞❁⇞ ✦•┈┈ اصحه يبن آدم وعوف الدني | خادمة السيده رقيه بنت الحسين ع
نعي كرناوي
•┈┈•✦ ⇞❁⇞ ✦•┈┈
اصحه يبن آدم وعوف الدنيا هاي
وشبح ابعينك الصوب المگبره
هل الأرض ماكو بشر بيها يدوم
بلحظه عنها دنيتك ترحل تره
ابحفره ايخلوك موتك من يحين
وعنك احبابك بعيد مـــكتره
كل حزنهم مايطول لاربعين
ولو ورث عندك يلزموله سره
ياعمل منهم يفيدك من تموت
ويا ثواب اليوصلك تتنطره
الفاتحه من يگول یقروها الك
اليموت احباب قله التذكره
أهجر الشهوات وهجرها الذنوب
والگلب من المعاصي طهره
وبجبينك خلي موقع للصلاه
وبذكر ربك دليلك نوره
عوف درب الغيبه والگال وگلت
والزعل انساه والحقد اهجره
خلي گلبك صافي بلون الحليب
ولاتخليها المعاصي اتغيره
لا جمال ايفيد لا شهرة التدوم
عن هوه الدنيا دليلك حرره
لا يفيدك مال لا تنفع بنون
بيا عمل تطفيها نار الموجره
شلون بينه والسفر کلش طويل
الأجل لو حان ياهو ایاخره
هاي دنيا هي لحظات وتزول
شلون بينه اهناك يوم الاخره
•┈┈•✦ ⇞❁⇞ ✦•┈┈
ام زهراء الزيداويه البصراويه
https://t.me/hooral
