قصيده للسيده رقيه عليها السلام تتكلم عن شوقها لابيها جا وال | خادمة السيده رقيه بنت الحسين ع

قصيده للسيده رقيه عليها السلام
تتكلم عن شوقها لابيها


جا والدي  يمته يجي
ياعمه بعيونج حجي

سولفيلي حيل مشتاگه اله
*****
والله مشتــاگه  الابـوي الوالي

هسه وين الله وشوفه اگـبالي

وحيل اشبگه لويجيني الغالي

نگعد بسد الخيم
انه وال كله شيم

يعزني گد الروح جنت امدلله
سولفيلي حيــل مشتاگه الــه

الفاطميه
*******
يمته يــاعمه الابـو يــرجع الي

يــگلي يابــويه رقــيه ادللـــي

على افــراگه عيـونه دم اتهلي

عمه هم يرجع بعد
مناطره ايام  اعد

مـادره بينـه مشينه بنص فله
سولفـيلي حيل مشتاگه الـــه

سهام المالكي
****
دمعي علوجنات من دون البنات

بيه لجمات الفراك اموجـــــــرات

عمه اخاف اتيتم من الامنيـــات

اشگد تطول غيبته
خاف ينسه ابنيته

لوم  عندي وبالعتاب محمله
سولفيلي حيل مشتاگه الـــه

الفاطميه
*******
اگعد بحـضنه وحاجيه عالجره

بويه اگله من الهظم متمرمره

بالدليل النــار ضلت مــوجــره

حيلي يابوي انهــدم
گوه اجر بيها الجدم

شكثر روحي هموم بعده شايله
سولفيلي حيل مشتاگه الــــه

سهام المالكي
*****
بلخــرابه عمه واعـدني يــجي

والله متلهفه لبـوحــلو الحجي

ولو اصد ابعينه ما ابطل بجي

حيل احضنه بشبگتي
بــويه اگلـه بـحسرتي

بويه عفت الزاد بعدك ناحله
سولفيلي حيل مشتاگــه اله
الفاطميه
***
تمت القصيده بقلم كل من الشاعرتين
الفاطميه
سهام المالكي
نسالكم الدعاء
https://t.me/ssrgk