قصيده للسيده رقيه عليها السلام على طور يخيمات يسجاد رقيه | خادمة السيده رقيه بنت الحسين ع

قصيده للسيده رقيه عليها السلام
على طور يخيمات



يسجاد
رقيه عل الابوا  تبجي يسجاد
مهضومه وگلبهه اعليـه مـاهاد
تگلي ليش ابونـه عمه  ماعاد
✿✿✿<><><>✿✿✿<><><>✿✿✿
تبجي رقيه / وتنتحب / محزونه / اعله ابوهـــــه

تسالني وين / راح الابوا / ايشوف / الحرم ولوهه

خلاها مابين / الغرب / مسبيه / مارحموهــــــــه

المدمع يصب / من تنضرب / ويلي العده/ اذوهـه


الحنان
عافوني بغرب وبحيره الحنان
وعليهم الگلب ياعـمه وجـعان
من يوم المشوا الحيل خلصان


✿✿✿<><><>✿✿✿<><><>✿✿✿

بديرت غرب /وماكو رحم /بيهه العده /سبونـــه

وسوط الزجر/طك المتن /ليش الكفر/ولونــــــه

عمه بخرابه/ من نمت/  شفت بحلم / ابـونــــــه

شفته گعد / يمي الولي / حط راسي / اعله متونه

العيون

تتگاطر دمه ياعمه العيــون
شفته بلحلم ذبلانه الجفون
يعمه من التعب متغير اللون


✿✿✿<><><>✿✿✿<><><>✿✿✿
عمه رقيه/من بجت/اعليهه ضهر/حنيتـــــــــه

تسولفلي عن/حال الابو/ودمع الحزن/هليتـه

وينه العزيز/والدي/عمه شكثر/ناديتـــــــــه

صعبه عليه/فرگته/وعمري خلص/ياريتــه

الأرجاس

من سمعوا بچيهه گوم الأرجاس
جابوا بالطشت ياويلي  الـــراس
على نحر الولي خمدت الأنفاس


✿✿✿<><><>✿✿✿<><><>✿✿✿
شهگت عله/نحر الولي/شافت تصب/ادمومـــــه

ويلي بجت/فوگ الطشت/من الابو/محرومـه

ون العليل/ناده بحزن/هاي المنيه/النومــــــــه

شبگتهه عمتهه/وتصيح/رقيه ماتت/مهضومـه

رقيه
ماتت عالنحر ويلي رقيــــه
على راس الولي جتهه المنيه
وزينب تبجي والدمعه جريه


✿✿✿<><><>✿✿✿<><><>✿✿✿
عگب الكفلني / محيره / بيد العده / خلانــــــــــي

يومه صعب / ودمعي يصب / منه الدهر / حرماني

بچاله چنت / أمدللـه / لا عفته / لاعافانـــــــــــي

من المدينه / كافلي / خيي الگمر/  جابانـــــــــــي

اسيره
اخذوني العده اخلافه اسيره
ولا يمــي اهــل اولا عــشيره
مسبيه رحت وبغرب ديـــره


✿✿✿<><><>✿✿✿<><><>✿✿✿
تمت بعون الله تعالى
بـ ــاقـ ــلام خـادمـات أهل البيت ع
*الشاعره سهـــــــــــــ ــــام المالكي*
*الشاعره مريــــــــــ ـــــم الحجيمي*
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
https://t.me/ssrgk