قصيده للسيده رقيه عليها السلام على طور طارش يطارش فزت رقيه | خادمة السيده رقيه بنت الحسين ع

قصيده للسيده رقيه عليها السلام
على طور طارش يطارش


فزت رقيه ابتالي الليــــــل

تنادي يعمه والمدمع ايسيل

    :=::=::=::=::=::=::=::=::=::=::=

جاوينه ابونه تنادي يعــمه

توه اجانـي  وگعـدني يـمـه

بلهفه شبگته وضليت اشمه

ايگلي يبويه افجعتي الدليل

    :=::=::=::=::=::=::=::=::=::=::=

ايگلي يبويه مسحيهه الدموع

گلبي عليكم  يبنيتـي  مفجوع

شفته يعمـــه محني الضــلوع

نادانــــي بابا هدمتـــي الحيل

    :=::=::=::=::=::=::=::=::=::=::=

ناداني بابا  كــافـــي بــواچـي

ويمسح ابيده جروح التراچي

يتكلم ويـــاي حلـــو المحاجي

ويسأل عليـه  وعلى  المداليل

    :=::=::=::=::=::=::=::=::=::=::=

گتله يبويـــــه  اويــاك اخذني

ليلي بلياك  وحشه امعذبنــــي

الشمر من بعدك  بسوطه ضربني

بويه نخيتك  احظرني ادخيل

    :=::=::=::=::=::=::=::=::=::=::=

أشكيله يعمه  ابدمعـي وعاتب

بعدك سبونـه وشفنه المصايب

ونگــــعد يبويه  تالي بخرايب

وعمتي تحامي  العيله ولعليل

    :=::=::=::=::=::=::=::=::=::=::=

ظلــــت تنادي  بوَنــــه شديده

وينه ابــــويه  يا عمــــه اريده

من جابوا الراس وشافت وريده

صاحت أبا حسين وماتت ايا ويل

    :=::=::=::=::=::=::=::=::=::=::=


تــــمت بقــــ لم خادمات أهل البيت عليهم السلام

* الشاعره سهـــــــــام المالـكي*
* الشاعره أزهار جبار الجياشي*

لا أجيز حذف أسماء الشاعرات

نسالكم الدعاء لتعجيل الفرج لصاحب الزمان(( عج ))

https://t.me/ssrgk